ဆွီဒင်နိုင်ငံဟာ မတ်လ ၇ ရက်နေ့မှာ ၃၂ နိုင်ငံမြောက် နေတိုးအဖွဲ့ဝင်အဖြစ် တရားဝင် ပူးပေါင်းလိုက်ပြီ ဖြစ်ပါတယ်။
ဆွီဒင်ဝန်ကြီးချုပ် အာ့ဖ်ခရစ္စတာရွှန့်က အမေရိကန်နိုင်ငံခြားရေးဝန်ကြီး အန်တိုနီဘလင်ကန်ကို နောက်ဆုံး စာရွက်စာတမ်းတွေ လွှဲပြောင်းပေးခဲ့အပြီးမှာ နှစ်ပေါင်း ၂၀၀ ကြားနေမှုနဲ့ စစ်ရေးအရ ဝင်မစွက်ရေး မူဝါဒတို့ကို အဆုံးသတ်ခဲ့ပါတယ်။
ရုရှားနဲ့ မိုင် ၈၃၀ ရှည်လျားတဲ့ နယ်စပ်ထိစပ်မှုရှိတဲ့ ဆွီဒင်နဲ့ ဖင်လန် နှစ်နိုင်ငံ အဖွဲ့ဝင် ဖြစ်လာတာဟာ နေတိုးအတွက် နှစ်ပေါင်းများစွာအတွင်း အရေးပါဆုံး အင်အားဖြည့်တင်းမှု ဖြစ်လာပါတယ်။
“ဒါဟာ ဆွီဒင်ရေတပ်ရှိ လက်နက်ကိုင်တပ်ဖွဲ့တွေမှာ အမှန်တကယ် ရပ်တည်နေတဲ့ နိုင်ငံရေး ဆုံးဖြတ်ချက် ဖြစ်တယ်” လို့ ဆွီဒင်ရဲ့ စတုတ္ထမြောက် ဖလော့တီလာ ရေတပ်ရဲ့ တပ်မှူး အန်ဒါးစ် ဘက်စထရောမ်က စတော့ဟုမ်းမြို့အနီးရှိ Berga ရေတပ်အခြေစိုက်စခန်းမှာ ပြောကြားပါတယ်။
ဒါဟာ ဆွီဒင်အမျိုးသားရေးမူဝါဒအတွက် ကြီးမားတဲ့ လှုပ်ရှားမှုတခု ဖြစ်ပေမဲ့လည်း ဥရောပရဲ့ လုံခြုံရေးပတ်ဝန်းကျင်နဲ့လည်း လုံးဝပတ်သက်နေပါတယ်လို့ သူက ဆိုပါတယ်။
ဆွီဒင်နဲ့ ဖင်လန်တို့ဟာ မြောက်အတ္တလန္တိတ် စာချုပ်အဖွဲ့မှာ မပါဝင်သင့်ကြောင်း နှစ်ပေါင်းများစွာ သတိပေးခဲ့ပြီးနောက်မှာ ရုရှားရဲ့ ယူကရိန်းကို ကျူးကျော်မှုဟာ မဟာမိတ် ချဲ့ထွင်မှုကို တားဆီးနေတဲ့ သမ္မတ ဗလာဒီမာပူတင်ရဲ့ တောင်းဆိုနေမှုကို ပြောင်းပြန်ဖြစ်သွားစေခဲ့တယ်လို့ အနောက်ခေါင်းဆောင်တွေက ပြောကြပါတယ်။
ရုရှားကတော့ ဆွီဒင်ရဲ့ နေတိုးအဖွဲ့ဝင်ဖြစ်မှုကို တုံ့ပြန်ဖို့အတွက် သတ်မှတ်ထားတဲ့ စစ်ရေး၊ နည်းပညာနဲ့ တခြားသော တန်ပြန်အရေးယူမှုတွေ ပြုလုပ်သွားမယ်လို့ ပြောကြားခဲ့ပါတယ်။
Source/Photo-Reuters
