ဒီယေဂိုဂျိုတာဟာ အသင်းဖော်တိုက်စစ်မှူးဟောင်းတွေဖြစ်တဲ့ အိုဝင်၊ ဆွာရက်ဇ်နဲ့ တောရက်စ် တို့ထက် အဆုံးသတ်ပိုကောင်းကြောင်း နောက်ခံလူဟောင်း ကာရေဂါက ချီးကျူးသွားပါတယ်။
လီဗာပူးတိုက်စစ်ကစားသမားဟာ မနေ့ညက ကစားခဲ့တဲ့ ဘုန်းမောက်နဲ့ပွဲစဉ်မှာ ၂ ဂိုးသွင်း ၁ ဂိုး ဖန်တီးခဲ့ကာ အကောင်းဆုံးကစားသမားဆု ရရှိခဲ့တာပါ။
လီဗာပူးသမိုင်းမှာ ရော်ဘီဖောင်လာ၊ ဆွာရက်ဇ်၊ မိုက်ကယ်အိုဝင်၊ ဖာနန်ဒိုတောရက်စ်တို့လို တိုက်စစ်မှူးကောင်းတွေ ရှိခဲ့ဖူးပေမဲ့ ဒီယေဂိုဂျိုတာက အဆုံးသတ်ပိုကောင်းတဲ့ ကစားသမားဖြစ်ကြောင်း ကာရေဂါက ပွဲအပြီးမှာ ချီးကျူးခဲ့တာပါ။
ရော်ဘီဖောင်လာက အကောင်းဆုံးတိုက်စစ်မှူး ဖြစ်နိုင်ပေမဲ့ ဒီယေဂိုဂျိုတာဟာလည်း ၈၄ မိနစ်တိုင်း တဂိုးသွင်းနေပြီး အခွင့်အရေးရတိုင်း အသုံးချနိုင်သူဖြစ်ကြောင်း ကာရေဂါက ချီးကျူးသွားပါတယ်။
ပေါ်တူဂီတိုက်စစ်ကစားသမားဟာ ဒီရာသီ ပြိုင်ပွဲစုံမှာ ၁၁ ဂိုးသွင်းယူခဲ့ပြီး ဖြစ်ပါတယ်။
Photo-Reuters
