ဆွာရက်ဇ်ဆီကနေ သင်ယူလေ့လာမှုတွေ ပြုလုပ်သွားမည်ဟု တိုက်စစ်မှူး နူညက်ဇ် ပြော
DVB
·
November 22, 2023
အသင်းဖော်တိုက်စစ်မှူး ဆွာရက်ဇ်ဆီကနေ သင်ယူလေ့လာမှုတွေ ပြုလုပ်သွားမယ်လို့ တိုက်စစ်မှူး နူညက်ဇ်က ပြောပါတယ်။
အသက် ၃၆ နှစ်ရှိပြီဖြစ်တဲ့ ဆွာရက်ဇ်ဟာ ဘရာဇီးကလပ် ဂရီမီယိုအသင်းမှာ ပြောင်းရွှေ့ကစားနေသူ ဖြစ်ပြီး ဥရုဂွေး လက်ရွေးစင်အသင်းမှာ ပြန်လည်ရွေးချယ်ခံခဲ့ရတာပါ။
ဆွာရက်ဇ်ဟာ ဥရုဂွေးအသင်းရဲ့ နံပါတ် ၉ ကစားသမားဖြစ်သလို အသင်းရဲ့သမိုင်းဝင် ကစားသမား ဖြစ်လို့ သူ့ရဲ့ခြေရာအတိုင်း လိုက်မီနိုင်ဖို့ ကြိုးပမ်းမှာဖြစ်ကြောင်း နူညက်ဇ်က ပြောပါတယ်။
လက်ရွေးစင်အသင်းမှာ ဆွာရက်ဇ် ရှိနေတာက သူအပါအဝင် အသင်းရဲ့ လူငယ်ကစားသမား အားလုံးအတွက် အလွန်အရေးပါပြီး သင်ယူလေ့လာမှုတွေလည်း ပြုလုပ်နိုင်ကြောင်း နူညက်ဇ်က ပြောပါတယ်။
Photo - Reuters
