လစ်ဗျားတွင် ဂရိအကူအညီပေးရေးဝန်ထမ်း ၅ ဦး သေဆုံး
DVB
·
September 19, 2023
လစ်ဗျားနိုင်ငံမှာ သဘောဝဘေးသွားရောက်ကူညီပေးနေတဲ့ ဂရိနိုင်ငံက လူသားချင်းစာနာထောက်ထားမှု အကူအညီပေးရေးမစ်ရှင် အဖွဲ့ဝင် ၅ ဦးဟာ စက်တင်ဘာ ၁၇ ရက်က လမ်းမတော်တဆမှုတခုကြောင့် သေဆုံးခဲ့ပါတယ်။
အရပ်သား ၂ ဦး အပါအဝင် အကူအညီပေးရေးဝန်ထမ်း ၅ ဦး သေဆုံးခဲ့တယ်လို့ ဂရိကာကွယ်ရေးဝန်ကြီး နီကိုးစ် ဒန်ဒီယာစ်က စက်တင်ဘာ ၁၈ ရက် ကြေညာချက်ထဲမှာ ဆိုပါတယ်။
ဝန်ကြီး နီကိုးစ် ဒန်ဒီယာစ်ဟာ ဂရိစစ်တပ်ထဲမှာ ၃ ရက်ကြာ နိုင်ငံလုံးဆိုင်ရာ ဝမ်းနည်းခြင်းကာလကို ကြေညာခဲ့ပါတယ်။
အယ်လ်မာဆာ တီဗီရဲ့ ရုပ်သံဗီဒီယိုထဲမှာ ပြန့်ကျဲနေတဲ့ အပျက်အစီးတွေ ဘေးမှာ မီးလောင်ကျွမ်းနေတဲ့ ဘတ်စ်ကားတစီးကို ဝိုင်းအုံကြည့်ရှုနေကြသူတွေရဲ့ မြင်ကွင်းကို တွေ့မြင်ရပါတယ်။
Source/Photo-Reuters
