မိုခါမုန်တိုင်းဒဏ်ခံခဲ့ရတဲ့ မြန်မာနိုင်ငံနဲ့ ဘင်္ဂလားဒေ့ရှ်နိုင်ငံတို့အတွက် ဂျပန်အစိုးရက အရေးပေါ် အကူအညီ အမေရိကန် ဒေါ်လာ ၂ သန်း ပေးအပ်ဖို့ ဆုံးဖြတ်လိုက်တယ်လို့  ဂျပန် နိုင်ငံခြားရေးဌာနက ဇွန်လ ၆ ရက်မှာ ထုတ်ပြန်ကြေညာပါတယ်။

ဂျပန်အနေနဲ့ အရေးပေါ်အကူအညီတွေဖြစ်တဲ့ စားနပ်ရိက္ခာ၊ ရေနဲ့ အမိုးအကာပစ္စည်း လိုအပ်ချက်တွေကို ထောက်ပံ့ပေးနိုင်ဖို့ ကမ္ဘာ့စားနပ်ရိက္ခာအစီအစဉ် (WFP)၊ အပြည်ပြည်ဆိုင်ရာ ကြက်ခြေနီကော်မတီ (ICRC) နဲ့ အပြည်ပြည်ဆိုင်ရာရွေ့ပြောင်းသွားလာသူများအဖွဲ့ (IOM) တို့ကနေတဆင့် လှူဒါန်းမှာလို့ ဆိုပါတယ်။ 

လှူဒါန်းရာမှာ မြန်မာနိုင်ငံအတွက် WFP နဲ့ ICRC တို့ကနေတဆင့် အစားအစား၊ ရေနဲ့ အမိုးအကာတွေ   ဒေါ်လာ ၁ သန်းခွဲဖိုးနဲ့  ဘင်္ဂလားဒေ့ရှ်နိုင်ငံအတွက်တော့ IOM ကနေတဆင့် ဒေါ်လာ ၅ သိန်း စုစုပေါင်း ဒေါ်လာ ၂ သန်းလှူဒါန်းမှာ ဖြစ်ပါတယ်။ 

မေလ ၁၄ ရက်နေ့က အင်အားအလွန်ပြင်းတဲ့ မိုခါဆိုင်ကလုန်းမုန်တိုင်း စစ်တွေမြို့နယ်ကို ဦးတည်ဝင်ရောက် တိုတ်ခတ်သွားတာကြောင့်   မြန်မာနိုင်ငံ အနောက်ပိုင်း ရခိုင်ပြည်နယ်မှာ မုန်တိုင်းဒဏ်ကို အပြင်းအထန်ခံခဲ့ရသလို   ဘင်္ဂလားဒေ့ရှ်နိုင်ငံ ကော့ဇ်ဘဇားခရိုင်ရှိ ဒုက္ခသည်စခန်းတွေမှာလည်း အပျက်အစီးတွေရှိခဲ့တာဖြစ်ပါတယ်။ 

Photo-ICRC