စက်ရုံလုပ်သားတွေ အပါအဝင် ထိုင်းနိုင်ငံတဝန်း လုပ်ငန်းပေါင်း ၂၄,၀၀၀ က ဝန်ထမ်းတွေကို လာမယ့် ဇွန် ၂၆ ရက်ကစတင်ကာ ကိုဗစ်-၁၉ ကာကွယ်ဆေးထိုးနှံပေးသွား ဖို့ ရှိနေပါတယ်။
ထိုင်းနိုင်ငံ လူမှုဖူလုံရေးအက်ဥပဒေပုဒ်မ ၃၃ အရ ဘန်ကောက်အရှေ့ပိုင်း၊ နွန်ချော့ခ်ခရိုင်ထဲက စက်ရုံတရုံက အလုပ်သမား ၁,၀၀၀ ဝန်းကျင်ကို ကိုဗစ်-၁၉ ကာကွယ်ဆေး ထိုးနှံပေးခဲ့ပြီးဖြစ်တယ်လို့ စက်မှုဝန်ကြီးဌာနဝန်ကြီး ဆူရိယ ဂျန်ဂရမ်ရန်ကစ်က ပြောပါတယ်။
သက်ဆိုင်ရာ တာဝန်ရှိသူတွေကတော့ အလုပ်သမားတွေ များစွာရှိနေတဲ့ စက်ရုံအလုပ်ရုံတွေကို ဦးစားပေးအနေနဲ့ ကိုဗစ်-၁၉ ကာကွယ်ဆေးထိုးပေးစေလိုကြတာဖြစ်တယ် လို့ ဆိုပါတယ်။
စက်မှုဝန်ကြီးဌာနဟာ စက်ရုံအလုပ်ရုံလုပ်သားတွေအတွက် ကာကွယ်ဆေးထိုးနှံ နိုင်ဖို့ နေရာ ၂၇ ကို ပြင်ဆင်ထားခဲ့ပြီးဖြစ်ကာ ဆီဆာခွန်၊ ဆမွတ်စာခွန်၊ အမတစီးတီး ချွန်ဘူရီ၊ မက်တဖက်၊ ဘန်ကာဒီ၊ မဲ့မိုစတဲ့ စက်မှုဇုံနေရာ ၆ ခုကို ခွင့်ပြုပေးခဲ့ပြီးဖြစ်တယ် လို့ ဝန်ကြီး ဆူရိယက ပြောပါတယ်။
“ထိုင်းနိုင်ငံမှာ လူမှုဖူလုံရေးအက်ဥပဒေပုဒ်မ ၃၃ အရ အလုပ်သမား ၃ ဒသမ ၃ သန်းလောက်ရှိနေပြီး သူတို့ထဲက ၈ သိန်းခွဲလောက်ကတော့ စက်မှုဇုံတွေမှာ အလုပ်လုပ် ကိုင်နေကြတာပါ”
ထိုင်းအလုပ်သမားဝန်ကြီးဌာနရဲ့ ကိန်းဂဏန်းတွေအရ လူမှုဖူလုံရေးအက်ဥပဒေ ပုဒ်မ ၃၃ အရ ဇွန် ၇ ရက်နေ့ကနေ ၁၁ ရက်နေ့အထိနဲ့ ၁၄ ရက်တွေမှာ ကိုဗစ်-၁၉ ကာ ကွယ်ဆေး ထိုးနှံပြီးဖြစ်တဲ့ အလုပ်သမားဦးရေ ၂၃၅,၁၈၈ ယောက် ရှိပြီလို့ ဆိုပါတယ်။
တကျော့ပြန် ကိုဗစ်-၁၉ တတိယလှိုင်း ကူးစက်ခံ ထိုင်းနိုင်ငံမှာတော့ လက်ရှိအချိန် ထိ ရောဂါကူးစက်ခံရသူပေါင်း ၂၀၇,၇၂၄ ယောက်နဲ့ သေဆုံးသူစုစုပေါင်း ၁,၅၅၅ ယောက် ထိ ရှိလာနေပြီ ဖြစ်ပါတယ်။
