ရွှေတိဂုံ စေတီတော်ရှေ့တွင် တပ်မတော်ထောက်ခံသူများ ဆန္ဒပြ (ဓာတ်ပုံ)
DVB
·
January 30, 2021
မြန်မာ့တပ်မတော်ကို ထောက်ခံတဲ့သူတွေနဲ့ ရဟန်းသံဃာ ရာချီလောက် ရန်ကုန်မြို့ရှိ ရွှေတိဂုံစေတီတော်မြတ်ကြီးရဲ့ အရှေ့မျက်နှာစာကြေးသွန်းဘုရားရှေ့မှာ ဇန်နဝါရီ ၃၀ ရက်နေ့က ဆန္ဒပြခဲ့ကြပါတယ်။
ဆန္ဒပြသူတွေက “နိုင်ငံတော်ကိုကာကွယ်နေသော မြန်မာ့တပ်မတော်အားထောက်ခံပါ၏၊ မြန်မာ့ပြည်တွင်းရေးအား ပြည်ပမှဝင်ရောက်စွက်ဖက်မှုကို လက်မခံပါ၊ ပြည်ပအားကိုးပုဆန်ရိုးများကိုချေမှုန်းကြ” အစရှိတဲ့ ကြွေးကြော်သံတွေနဲ့ ဆန္ဒပြခဲ့ကြပါတယ်။
ဆန္ဒပြသူတွေဟာ ဗဟန်းမြို့နယ်ရှိ နေရာ ၃ နေရာမှာ စုဝေးကာ ကြေးသွန်းဘုရားကြီးရှေ့ စုဝေးဆန္ဒပြသခဲ့ကြတာပါ။
၂၀၂၀ ရွေးကောက်ပွဲပြီးဆုံးပြီး ရလဒ်ထွက်ပေါ်လာချိန်က စတင်ကာ ရွေးကောက်ပွဲကော်မရှင်ကို အလိုမရှိကြောင်းနဲ့ မြန်မာ့တပ်မတော်ကို ထောက်ခံကြောင်း ဆန္ဒထုတ်ဖော်ပွဲတွေကို မြို့အသီးသီးမှာ အစုအဖွဲ့လိုက်သာမက တစ်ကိုယ်တော်အနေနဲ့ပါ ဆက်တိုက်ပြုလုပ်နေကြတာပါ။
Photo : MPA
