မီးလောင် နန်းဖာလုံဈေးဆိုင်ခန်းပိုင်ရှင်များ ပျံကျဈေးနေရာတွင် ကားထိုးပြီး ရောင်းနေ
DVB
·
February 11, 2018
တမူးမြို့၊ နန်းဖာလုံဈေး၊ မီးလောင်ခဲ့ပြီးနောက်ပိုင်းမှာ မီးလောင်ခံရတဲ့ဆိုင်ရှင်တွေဟာ ဈေးအနီးရှိ ပျံကျဈေးနေရာမှာ ကားတွေထိုးပြီး ဖြစ်သလိုပြန်လည်ရောင်းဝယ်နေကြပါတယ်။
ဒါပေမယ့် ဈေးဝယ်သူတွေအနည်းငယ်သာရှိပြီး အိန္ဒိယဘက်က ဈေးဝယ်သူတွေလည်း လျော့နည်းသွားပါတယ်။
တမူးမြို့စည်ပင်သာယာ ကတော့ ဈေးဟောင်းရဲ့ စက်ဘီးနဲ့ ဆိုင်ကယ်တွေ အပ်တဲ့ကွင်းပြင်မှာ ယာယီဈေးဆောက်ပြီး အခုလ ၁၅ ရက်နေ့မှာ ဈေးပြန်ဖွင့်မယ်လို့ ပြောပါတယ်။
နန်းဖာလုံဈေးကိုတော့ ၂ ထပ်ဈေးသစ်ကြီး ပြန်ဆောက်သွားဖို့ စီစဉ်နေတယ်လို့ သိရပါတယ်။ လက်ရှိဆိုင်ခန်းတွေနဲ့ မီးလောင်ခံရတဲ့ ဆိုင်ခန်းပိုင်ရှင်တွေကိုလည်း ပြန်လည်ချထားပေးသွားမယ်ဆိုတာကြောင့် ဈေးကိုအမြန်ဆုံးပြန်ဆောက်ပေးစေချင်ကြပါတယ်။
အရင်က ဈေးပတ်လည်မှာ ပျံကျတဲတွေ ရှိနေခဲ့ပြီး အဲဒီတဲတွေပိတ်နေတာကြောင့် မီးသတ်ရာမှာ ခက်ခဲခဲ့တယ်လို့ ဈေးကော်မတီ ဥက္ကဋ္ဌကပြောပါတယ်။
အဲဒါကြောင့် ဈေးသစ်ပြန်ဆောက်ပြီးရင် ပျံကျတဲတွေကို ဖျက်သိမ်းပေးဖို့ ဆိုင်ခန်းပိုင်ရှင်တွေက လိုလားနေကြပါတယ်။
နန်းဖာလုံဈေးမီးလောင်မှုကို စစ်ကိုင်းတိုင်းဒေသကြီး ၀န်ကြီးချုပ် ဒေါက်တာမြင့်နိုင်နဲ့ တာဝန်ရှိသူတွေဟာ အခုလ ၉ ရက်နေ့က လာရောက်ကြည့်ရှုစစ်ဆေးခဲ့ပြီး ယာယီဈေးဆောက်လုပ်မယ့် မြေနေရာကိုလည်း ကြည့်ရှုလမ်းညွှန်ခဲ့ပါတယ်။
