၂၀၂၆ ကမ္ဘာ့ဖလားပြိုင်ပွဲမှာ အီရန်အမျိုးသားဘောလုံးအသင်း ပါဝင်ယှဉ်ပြိုင်ဖို့ ကြိုဆိုတယ်လို့ အမေရိကန်သမ္မတ ဒေါ်နယ်ထရမ့်ပ်က ပြောပေမဲ့ အသင်းသားတွေရဲ့ ဘေးကင်းလုံခြုံရေးအတွက် လာရောက်ဖို့ မသင့်တော်ဘူးလို့ ပြောကြားလိုက်ပါတယ်။
အမေရိကန်နဲ့ အစ္စရေးတို့ရဲ့ တိုက်ခိုက်မှုကြောင့် အီရန်အဓိပတိ အလီခါမေနီ သေဆုံးခဲ့ပြီးနောက် ၂ နိုင်ငံအကြား စစ်ရေးတင်းမာမှုတွေ အထွတ်အထိပ် ရောက်ရှိနေချိန်မှာ အခုလို ပြောလိုက်တာ ဖြစ်ပါတယ်။
အီရန်အားကစားဝန်ကြီး အာမက်ဒိုညာမာလီကလည်း သူတို့ခေါင်းဆောင် လုပ်ကြံခံရမှုကြောင့် အခုလိုအခြေအနေမျိုးမှာ ကမ္ဘာ့ဖလားပြိုင်ပွဲဝင်ဖို့ အစီအစဉ်မရှိကြောင်းနဲ့ ကစားသမားတွေ အတွက် လုံခြုံမှုမရှိကြောင်း တုံ့ပြန်ထားပါတယ်။
တကယ်လို့ အီရန်အသင်းသာ နုတ်ထွက်ခဲ့ပါက သူ့နေရာမှာ အစားထိုးမဲ့အသင်းကို FIFA က စည်းမျဉ်းတွေအရ ဆုံးဖြတ်ရမှာဖြစ်ပေမဲ့ လက်ရှိမှာတော့ ဘယ်အသင်းဖြစ်လာမယ် ဆိုတာကို မသိရသေးပါဘူး။
