ရုရှားဒုံးကျည်စက်ရုံကို ယူကရိန်း တိုက်ခိုက်
DVB
·
March 11, 2026
ယူကရိန်းစစ်တပ်ဟာ မတ် ၁၀ ရက်မှာ ဘရီးယန့်စ်ခ်ဒေသမှာရှိတဲ့ ရုရှားဒုံးကျည်စက်ရုံကို တိုက်ခိုက်ခဲ့တယ်လို့ ယူကရိန်းသမ္မတ ဗိုလိုဒီမာ ဇလန်းစကီးက ပြောပါတယ်။
ဒီစစ်ဆင်ရေးဟာ ရုရှားဖက်ဒရေးရှင်းက သုံးတဲ့ ဒုံးကျည်အမျိုးအစား အားလုံးအတွက် ထိန်းချုပ် စနစ်တွေကို ထုတ်လုပ်တဲ့ ဘရီးယန့်စ်ခ်စက်ရုံကို ပစ်မှတ်ထားပါတယ်လို့ ဇလန်းစကီးက WhatsApp မှာ သတင်းထောက်တွေကို ပြောပါတယ်။
ဒုံးကျည်တိုက်ခိုက်မှုရဲ့ရက်စွဲကို ယူကရိန်းလက်နက်ကိုင်တပ်ဖွဲ့တွေရဲ့ အထွေထွေဝန်ထမ်းတွေ၊ ဒေသဆိုင်ရာ အရေးပေါ်ဌာနတွေနဲ့ ဘရီးယန့်စ်ခ် အုပ်ချုပ်ရေးမှူးတို့က အတည်ပြုခဲ့ပါတယ်။
ရုရှားနိုင်ငံ ဘရီးယန့်စ်ခ်ဒေသမှာ ယူကရိန်း ဒုံးကျည်တိုက်ခိုက်မှုတခုအတွင်း အရပ်သား ၆ ယောက် သေဆုံးပြီး ၃၇ ယောက် ဒဏ်ရာရခဲ့တယ်လို့ အုပ်ချုပ်ရေးမှူး အလက်ဇန္ဒား ဘိုဂိုမက်ဇ်က အင်္ဂါနေ့မှာ ပြောခဲ့ပါတယ်။
Source: Reuters
