တန်းမဆင်းရဖို့အတွက် လက်ကျန်ပွဲစဉ်တွေကို အာရုံစိုက်ဖို့လိုကြောင်း နော်တင်ဟမ်နည်းပြ ပါရဲယားက ပြောပါတယ်။
နော်တင်ဟမ်ဖောရက်စ်အသင်းဟာ ပွဲစဉ် ၂၈ မှာ ဘရိုက်တန်ကို ၂ ဂိုး ၁ ဂိုးနဲ့ ရှုံးနိမ့်ခဲ့ပြီးနောက် ပရီးမီးယားလိဂ်မှာ ၅ ပွဲဆက် နိုင်ပွဲပျောက်ဆုံးကာ တန်းဆင်းဇုန်အထက် ၂ မှတ်အကွာမှာပဲ ရှိပါတော့တယ်။
ဒါဟာ နည်းပြသစ် ပါရဲယ်ရားအတွက် ၃ ပွဲမြောက် လိဂ်ပွဲစဉ်ဖြစ်ပေမဲ့ အခုထိ နိုင်ပွဲမရသေးဘဲ အသင်းဟာ အဆင့် ၁၇ နေရာအထိ ကျဆင်းသွားတာပါ။
နည်းပြ ပါရဲရားကတော့ ဇယားအဆင့်ကို ကြည့်မနေဘဲ ရှေ့မှာရှိတဲ့ ပွဲစဉ်တွေကိုပဲ အာရုံစိုက်ပြီး အကောင်းဆုံး ပြင်ဆင်သွားမယ်လို့ ပြောပါတယ်။
လက်ရှိ တန်းဆင်းဇုန်တိုက်ပွဲမှာ ဝက်စ်ဟမ်းက ရမှတ် ၂ မှတ်အကွာနဲ့ ဖိအားပေးနေသလို ဘန်လေနဲ့ ဝုလ်ဗ်အသင်းတို့ကတော့ တန်းဆင်းဖို့ အနီးစပ်ဆုံး ဖြစ်နေတာပါ။
ကျန်ရှိနေတဲ့ လိဂ်ပွဲစဉ် ၁၀ ပွဲမှာ ဖောရက်စ်အနေနဲ့ ယူရိုပါလိဂ်ပွဲစဉ်တွေကြားထဲက ပရီးမီးယားလိဂ်မှာ ဆက်ရှိနေဖို့ ရမှတ်တွေ အရေးတကြီး လိုအပ်နေပါတယ်။
