ပရီးမီးယားလိဂ်ရဲ့ လုပ်အားခ အများဆုံးကစားသမားစာရင်းမှာ မန်စီးတီးတိုက်စစ်မှူး အာလင်းဟာလန်းက ထိပ်ဆုံးနေရာကနေ ဦးဆောင်နေပါတယ်။

နော်ဝေတိုက်စစ်မှူးဟာ ဒုတိယနေရာက ဆာလာထက် ပေါင် ၁ သိန်းကျော် လုပ်ခပိုမိုရရှိနေပြီး ပရီးမီးယားလိဂ်သမိုင်းတလျှောက် စံချိန်တင်လုပ်ခလစာရရှိ နေသူပါ။

ဟာလန်းဟာ စီးတီးမှာ တပတ်လုပ်ခအဖြစ် ပေါင် ၅၂၅,၀၀၀ ရရှိနေတယ်လို့သိရပြီး ဆာလာက ပေါင် ၄ သိန်းနဲ့ ဒုတိယနေရာမှာ ရပ်တည်နေတာပါ။

ယူနိုက်တက်ကွင်းလယ်လူ ကတ်စမီရိုက တပတ်လုပ်ခပေါင် ၃ သိန်းခွဲနဲ့ အဆင့် ၃ နေရာမှာရှိပြီး လီဗာပူးနောက်ခံလူ ဗန်ဒိုက်ဟာလည်း တပတ်လုပ်ခပေါင် ၃ သိန်းခွဲနဲ့ အဆင့် ၄ နေရာမှာရှိပါတယ်။

ပြီးခဲ့တဲ့ရက်ပိုင်းက အာဆင်နယ်အသင်းက ဘူကာရိုဆာကာကို တပတ်လုပ်ခပေါင် ၃ သိန်းနဲ့ စာချုပ်သက်တမ်းတိုးခဲ့ပြီးနောက် ဆာကာဟာ လုပ်ခအများဆုံးစာရင်းမှာ အဆင့် ၅ နေရာအထိ ခုန်တက်လာပါတယ်။

အဲဒီနောက်မှာ ဘရူနိုဖာနန်ဒက်စ်၊ အိုမာမာမွတ်ရှ်၊ အစ်ဆက်ခ်၊ ကိုင်ဟာဗက်ဇ်၊ ဂါဘရီရယ်ဂျေဆု တို့က လုပ်ခအများဆုံးထိပ်ဆုံး ၁၀ ယောက် စာရင်းမှာ အစဉ်လိုက်ရပ်တည်ခဲ့ပါတယ်။

Photo: Reuters