ထိုင်းနိုင်ငံက နိုင်ငံရေးပါတီတွေဟာ ဖေဖော်ဝါရီလမှာ ရွေးကောက်ပွဲ ကျင်းပတဲ့အခါ မဲစာရွက်တွေမှာ သူတို့ရဲ့ ပါတီတွေကို ကိုယ်စားပြုမဲ့ နံပါတ်တွေအတွက် ဒီဇင်ဘာ ၂၈ ရက်မှာ မဲနှိုက်ခဲ့ကြပါတယ်။

ပါတီတခုစီက ရွေးချယ်ထားတဲ့ နံပါတ်တွေကို မဲရုံတွေဆီမသွားမီ လူထုနဲ့ ရင်းနှီးစေဖို့ မဲဆွယ်စည်းရုံးရေးကာလအတွင်း သုံးမှာပါ။

ဝန်ကြီးချုပ်အဖြစ် ရွေးကောက်တင်မြှောက်ခံရပြီး ရက်ပေါင်း ၁၀၀ မပြည့်မီ ထိုင်းနိုင်ငံရဲ့ ယာယီခေါင်းဆောင် အနုထင်းချန်းဝီရကွန်းက  သူ့ရဲ့လူနည်းစုအစိုးရက အယုံအကြည်မရှိ မဲပေးခံရမဲ့ အရေးနဲ့  ရင်ဆိုင်ခဲ့ရချိန် အခုလအစောပိုင်းမှာ လွှတ်တော်ကို ဖျက်သိမ်းခဲ့ပါတယ်။

ပြန်ရွေးကောက်တင်မြှောက်ခံရရင် ဘဏ္ဍာရေးဝန်ကြီး အက်နီတီ နီတီသန်ပရာပါစ်၊ နိုင်ငံခြားရေးဝန်ကြီး ဆီဟဆတ် ဖွန်ကတ်ကယောက်နဲ့ ကူးသန်းရောင်းဝယ်ရေးဝန်ကြီး ဆူပါဂျီ ဆူထမ်ပွန်တို့ အပါအဝင် အစိုးရရဲ့ အဓိကအမှုဆောင်အရာရှိတွေရဲ့ ရာထူးတွေကို ဆက်ထိန်းသိမ်းထားမယ်လို့ အာနုတင်က ပြောပါတယ်။

အာနုတင်ဟာ ကမ္ဘောဒီးယားနဲ့ ပဋိပက္ခကြောင့် ဖြစ်လာတဲ့ အမျိုးသားရေးစိတ်ဓာတ် တိုးပွားလာခြင်းကနေ အကျိုးအမြတ်ရဖို့ အလားအလာရှိနေပါတယ်။

ဒါပေမဲ့ ရွေးကောက်ပွဲက နီးကပ်နိုင်ပြီး ပါဝင်ပတ်သက်တဲ့ ဘယ်ပါတီအတွက်မှ ရှင်းလင်းပြတ်သားတဲ့ မဲအများစုကို ပေးမှာမဟုတ်ဘူးလို့ လေ့လာသုံးသပ်သူတွေက ပြောပါတယ်။

ဖွေ့ထိုင်းပါတီက ထိပ်တန်းဝန်ကြီးချုပ်လောင်း ယော့ချာနန် ဝုန်ဆာဝပ်က ရွေးကောက်ပွဲဟာ နိုင်ငံအတွက် မျှော်လင့်ချက် အစပြုမှုအသစ်တခု ဖြစ်လာဖို့ မျှော်လင့်တယ်လို့ ပြောပါတယ်။

Source: Reuters