အိန္ဒိယက ကမ္ဘာပတ်လမ်းထဲကို အလေးဆုံးဂြိုဟ်တု လွှတ်တင်
DVB
·
December 25, 2025
အိန္ဒိယ အာကာသ သုတေသနအဖွဲ့အစည်း (ISRO) က ဒီဇင်ဘာ ၂၄ ရက်မှာ စရီဟာရိကိုတာ အာကာသစခန်းကနေ BlueBird Block-2 ဆက်သွယ်ရေးဂြိုဟ်တုကို ကမ္ဘာမြေပတ်လမ်းနိမ့်ဆီ အောင်အောင်မြင်မြင် လွှတ်တင်ခဲ့တယ်လို့ အေဂျင်စီက ပြောခဲ့ပါတယ်။
ဒီဂြိုဟ်တုဟာ အိန္ဒိယလွှတ်တင်စက်ကိုသုံးပြီး အိန္ဒိယမြေကနေ လွှတ်တင်ဖူးသမျှ အလေးဆုံးဂြိုဟ်တု ဖြစ်တယ်လို့ ISRO အကြီးအကဲ ဗီ နာရာယာနန်က ပြောပါတယ်။
AST Space Mobile အတွက် လွှတ်တင်ခဲ့တဲ့ ဂြိုဟ်တုဟာ ပတ်လမ်းမှာ အကြီးဆုံး စီးပွားဖြစ် ဆက်သွယ်ရေးဂြိုဟ်တု ဖြစ်ပါတယ်။
အာကာသအခြေပြု ဆယ်လူလာဘရော့ဘန်းကို စံပြမိုဘိုင်းစမတ်ဖုန်းတွေဆီ တိုက်ရိုက်ပံ့ပိုးပေးဖို့ ဒီဇိုင်းထုတ်ထားတယ်လို့ ISRO က ကြေညာခဲ့ပါတယ်။
Source: Reuters
