အမေရိကန်က စစ်ရေးလှုပ်ရှားမှုတွေကို ဆက်လုပ်ခဲ့ပြီး အမေရိကန် မရိန်းတပ်ဖွဲ့ရဲ့ MV-22 Osprey လေယာဉ်နဲ့ ထောက်ပံ့ရေးပစ္စည်းတွေကို ပွာတိုရီကိုနိုင်ငံ၊ ပွန်စီမြို့က မာစီဒီတာ အပြည်ပြည်ဆိုင်ရာလေဆိပ်ဆီကို ဒီဇင်ဘာ ၁ ရက်မှာ ပို့ဆောင်ပေးခဲ့ပါတယ်။

ဝန်ထမ်းတွေက ဝန်ချီစက် ဖော့ကလစ်တွေနဲ့ ကုန်ပစ္စည်းတွေကို ချပေးနေပြီး လေယာဉ်ဆင်းချိန်မှာ မြေပြင်အဖွဲ့တွေက လေဆိပ်ကို စစ်ဆေးနေပုံတွေကို ရိုက်တာသတင်းဌာနရဲ့ ရုပ်သံထဲမှာ ပြထားပါတယ်။

အမေရိကန်အစိုးရက ဗင်နီဇွဲလားသမ္မတ နီကိုလပ်စ် မာဒူရိုအပေါ် ဖိအားပေးနေချိန်မှာ အခုလှုပ်ရှားမှုတွေ ပေါ်ပေါက်လာတာပါ။

ပြီးခဲ့တဲ့လက မာဒူရိုက အမေရိကန်သမ္မတ ဒေါ်နယ်ထရမ့်ပ်ဆီ တိုတောင်းတဲ့ ဖုန်းခေါ်ဆိုမှုတခု အပြီးမှာ ထရမ့်ပ်က တောင်းဆိုချက်အများစုကို ငြင်းပယ်ခဲ့တဲ့နောက်ပိုင်း အမေရိကန် အာမခံချက်ရှိတဲ့ ဘေးကင်းတဲ့ ဖြတ်သန်းခွင့်အတွက် ရွေးချယ်စရာတွေ ကျဉ်းမြောင်းလာတယ်လို့ သတင်းရင်းမြစ်တွေက ပြောပါတယ်။

ထရမ့်ပ်က ဗင်နီဇွဲလား လေပိုင်နက်ကို လုံးဝပိတ်ထားတယ်လို့ ကြေညာခဲ့ပြီး အိမ်နီးချင်း ပွာတိုရီကိုနိုင်ငံထဲက အမေရိကန်စစ်ဘက်ပိုင်ဆိုင်မှုတွေနဲ့ အခြေခံအဆောက်အအုံတွေကို အကျပ်အတည်းနဲ့ ဆက်စပ်နေတဲ့ စစ်ဆင်ရေးတွေအတွက် ရှေ့တန်းဗဟိုချက်အဖြစ် ပိုဆောင်ရွက်လာခဲ့ပါတယ်။

Source: Reuters