ဝန်ကြီးချုပ် ဘင်ဂျမင် နေတန်ယာဟုရဲ့ အဂတိလိုက်စားမှုဆိုင်ရာ ရုံးတင်စစ်ဆေးမှုမှာ လွတ်ငြိမ်းခွင့်ပေးဖို့ တောင်းဆိုချက်ကို အစ္စရေးသမ္မတ အိုက်ဇက် ဟာဇော့ဂ်ရဲ့ သီးသန့်နေအိမ်အပြင်ဘက်မှာ နိုဝင်ဘာ ၃၀ ရက်ညက ဆန့်ကျင် ဆန္ဒပြခဲ့ကြပါတယ်။
ရာဇဝတ်မှုဆိုင်ရာ လုပ်ငန်းစဉ်တွေဟာ ဝန်ကြီးချုပ်ရဲ့ အုပ်ချုပ်နိုင်စွမ်းကို အဟန့်အတားဖြစ်စေပြီး လွတ်ငြိမ်းခွင့်ပေးခြင်းက အစ္စရေးနိုင်ငံအတွက် ကောင်းမယ်လို့ နေတန်ယာဟုရဲ့ ရှေ့နေတွေက ငြင်းခုံခဲ့ကြတာပါ။
နေတန်ယာဟုက လာဘ်ပေးလာဘ်ယူမှု၊ လိမ်လည်မှုနဲ့ ယုံကြည်မှုချိုးဖောက်မှု စွဲချက်တွေကို ငြင်းဆိုခဲ့ပါတယ်။
ထင်ရှားတဲ့ ဆန္ဒပြခေါင်းဆောင် ရှစ်မာ ဘရက်စ်လာက “တောင်းဆိုနေတာက လွတ်ငြိမ်းခွင့်ပေးဖို့ မဟုတ်ပါဘူး။ သူက ဒီနိုင်ငံကို ဘယ်လိုဖျက်ဆီးခဲ့လဲ၊ နောက်ဆုံးမှာ အောက်တိုဘာ ၇ ရက်နေ့ အစုလိုက်အပြုံလိုက် သတ်ဖြတ်မှု ဘယ်လိုဖြစ်လာတယ် ဆိုတာအတွက် ပေးဆပ်ရမယ့်တန်ဖိုးကို မပေးဘဲ သူ့ကို ရုံးတင်စစ်ဆေးမှုကို လုံးဝဖျက်သိမ်းပေးဖို့ တောင်းဆိုနေတာပါ” လို့ ပြောခဲ့ပါတယ်။
ရာထူးထမ်းဆောင်ဆဲ ဝန်ကြီးချုပ်တယောက်ကို သမ္မတက လွတ်ငြိမ်းခွင့်ပေးရာမှာ စီရင်ထုံး မရှိသေးဘဲ ပြဿနာရှိတဲ့ အဖြစ်အပျက်တွေကို ဖြစ်ပေါ်စေနိုင်ပါတယ်။
များသောအားဖြင့် အစ္စရေးသမ္မတအဖွဲ့အစည်းဟာ ဥပဒေအထက်မှာရှိပြီး ရွေးကောက်ပွဲ ကျင်းပမယ့်နှစ်မှာ လွတ်ငြိမ်းခွင့်ပေးခြင်းအားဖြင့် အစ္စရေးနိုင်ငံရေးကို တက်တက်ကြွကြွ လွှမ်းမိုးပြီး သမ္မတရာထူးနဲ့ နိုင်ငံရေးကြား နယ်နိမိတ်ကို မှုန်ဝါးစေလိမ့်မယ်လို့ ရိုက်တာ သတင်းဌာနက သုံးသပ်ထားပါတယ်။
Source: Reuters
