ရေကြီးရေလျှံမှု လျှော့ချရေးစီမံကိန်းတွေအတွက် ရည်ရွယ်ထားတဲ့ အမေရိကန်ဒေါ်လာ သန်းပေါင်းများစွာနဲ့ ညီမျှတဲ့ ပီဆိုငွေ ဘီလီယံပေါင်းများစွာ ပါဝင်ပတ်သက်တဲ့ အဂတိလိုက်စားမှုကို  ရှုတ်ချဖို့ ဖိလစ်ပိုင်နိုင်ငံသား ထောင်ပေါင်းများစွာဟာ နိုဝင်ဘာ ၃၀ရက်မှာ မနီလာမြို့တော်မှာ စုဝေး ဆန္ဒပြခဲ့ကြပါတယ်။

သမ္မတ ဖာဒီနန်မားကို့စ်ဂျူနီယာရဲ့ မျက်နှာဖုံးတွေကို ဝတ်ထားတဲ့ ဆန္ဒပြသူတွေက ဆိုင်းဘုတ်တွေကိုင်ဆောင်ရင်း မြို့တော်တလျှောက် ချီတက်ဆန္ဒပြခဲ့ကြပြီး အရှုပ်တော်ပုံမှာ ပါဝင်ပတ်သက်နေတဲ့ အရာရှိတွေကို တာဝန်ခံမှုနဲ့အတူ အမြန်ဆုံး အရေးယူဖို့ တောင်းဆိုခဲ့ကြ ပါတယ်။

အထက်လွှတ်တော်အပါအဝင် အေဂျင်စီအမျိုးမျိုးက စုံစမ်းစစ်ဆေးသူတွေက အများပြည်သူ့လုပ်ငန်းအရာရှိတွေ၊ ဆောက်လုပ်ရေးအမှုဆောင်တွေနဲ့ ဥပဒေပြုအမတ်များစွာဟာ ရန်ပုံငွေတွေကို ဘယ်တုန်းကမှမပြီးပြတ်ခဲ့တဲ့ တကယ်မရှိတဲ့ တစ္ဆေစီမံကိန်းတွေဆီ လွှဲပြောင်းခဲ့တယ်လို့ ပြောပါတယ်။

အငြင်းပွားမှုဟာ ရင်းနှီးမြှုပ်နှံသူတွေရဲ့ ယုံကြည်မှုကို ထိခိုက်စေခဲ့တာပါ။ အများပြည်သူ့အတွက် အသုံးစရိတ် နှေးကွေးလာတာနဲ့ အမျှ တတိယသုံးလပတ်ရဲ့ စီးပွားရေးတိုးတက်မှုက ၄ နှစ်အတွင်း အနိမ့်ဆုံးအခြေအနေ ရောက်ခဲ့ရတာဟာ ဒီအငြင်းပွားမှုက နောက်ကွယ်က အချက်တချက် ဖြစ်တယ်လို့ သုံးသပ်သူတချို့က ထောက်ပြပါတယ်။

Source: Reuters