စပါးဂိုးသမား ဗီကာရီယိုကို လှောင်ပြောင်ခဲ့တဲ့ စပါးအသင်းပရိသတ်တွေကို နည်းပြသောမက်စ်ဖရန့်ခ်က ပြန်လည်တုံ့ပြန်သွားပါတယ်။
ဂိုးသမားဗီကာရီယိုဟာ ဖူဟမ်အသင်းကို ၂ ဂိုး ၁ ဂိုးနဲ့ ရှုံးနိမ့်ခဲ့တဲ့ပွဲစဉ်မှာ ပွဲအစ ၆ မိနစ်မှာကတည်းက ဦးဆောင်ဂိုး ၂ ဂိုးခွင့်ပြုခဲ့ရတာပါ။
ဒုတိယဂိုးဟာလည်း ဂိုးသမားဗီကာရီယိုရဲ့ အမှားကနေ ပေးလိုက်ရတာဖြစ်ပြီး စပါးအသင်းပရိသတ်တွေက ဗီကာရီယိုကို လှောင်ပြောင်အော်ဟစ်ခဲ့ကြတာပါ။
စပါးပရိသတ်တွေဟာ အမှားလုပ်ဆောင်ခဲ့တဲ့ ဗီကာရီယိုကို လှောင်ပြောင်ခဲ့တာက လက်ခံနိုင်စရာမရှိတဲ့ လုပ်ရပ်ဖြစ်ပြီး သူတို့ဟာ စပါးအသင်းပရိသတ် အစစ်အမှန်တွေ မဟုတ်ကြောင်း နည်းပြဖရန့်ခ်က ပြန်လည်တုံ့ပြန်ခဲ့တာပါ။
ကစားသမားတွေဘက်က အကောင်းဆုံးစွမ်းဆောင်ရည်ရဖို့ ကြိုးပမ်းနေကြချိန်မှာ တဖက်နဲ့တဖက် အပြန်အလှန် အားပေးဝန်းရံသင့်ကြောင်း နည်းပြဖရန့်ခ်က ပြောသွားပါတယ်။
စပါးအသင်းဟာ အာဆင်နယ်၊ ပီအက်စ်ဂျီအသင်းတွေနဲ့ပွဲအပါအဝင် ၃ ပွဲဆက်တိုက်ရှုံးတာဖြစ်ပြီး ပရီးမီးယားလိဂ်အဆင့် ၁၀ အထိကျဆင်းသွားပါတယ်။
