ထိုင်းနိုင်ငံ၊ ချင်းမိုင်မြို့၊ Free Bird Cafe မှာ နိုဝင်ဘာ ၂၅ ရက်နေ့ ညနေ ၆ နာရီကစပြီး သစ်ရွက် ပန်းချီအနုပညာပြပွဲ ပြုလုပ်နေပါတယ်။

နိုဝင်ဘာ ၂၅ ရက်ကစပြီး ၃၀ ရက်အထိ မနက် ၉ နာရီကနေ ၅ နာရီအတွင်း သစ်ပင်ပန်းမန်တွေကနေတဆင့် ပန်းချီအနေနဲ့ ပြုလုပ်ထားတဲ့ ပုံတွေကို ရောင်းချပြီး Tote Bag၊ အင်္ကျီ၊ Post Card၊ Bookmark တွေ ရောင်းချတယ်လို့ ပွဲစီစဉ်သူထံက သိရပါတယ်။

ပွဲစီစဥ်သူတယောက်က “ရှမ်း၊ ကရင်နီနယ်စပ်မှာ ဖြစ်ပွားနေတဲ့ တိုက်ပွဲ​တွေမှာ စစ်ရေး အသုံးစရိတ်အနေနဲ့ စီးဆင်းမှာဖြစ်ပြီး တိုက်ပွဲအတွင်းမှာ ထိခိုက်ဒဏ်ရာရတဲ့ လူနာတွေကို ကူညီနိုင်ဖို့အတွက် လုပ်တာဖြစ်ပါတယ်”လို့ ပြောပါတယ်။

ပြပွဲကနေ ရောင်းချရတဲ့ငွေတွေကို SSNDF/KNDF ဗျူဟာ အမှတ် ၉ ရဲ့ ​မြေပြင်အတွက်နဲ့ ဒဏ်ရာရရဲဘော်တွေကို ကူညီပံ့ပိုးနိုင်ဖို့ ဆောင်ရွက်သွားမယ်လို့ ဆိုပါတယ်။