မန်ယူလူငယ်နောက်ခံလူကို သြစတြေးလျလက်ရွေးစင်အသင်းတွင် ရွေးချယ်
DVB
·
November 11, 2025
သြစတြေးလျ လက်ရွေးစင်အသင်းဟာ မန်ယူနိုက်တက် ယူ-၁၈ အသင်းက ဆယ်ကျော်သက် နောက်ခံလူ ဂျိမ်းစ်အိုဗာရီကို လက်ရွေးစင်အသင်းကြီးအတွက် ရွေးချယ် ခေါ်ယူလိုက်ပါတယ်။
အသက် ၁၈ နှစ်ပဲ ရှိသေးတဲ့ ညာနောက်ခံလူဟာ သြစတြေးလျ ယူ-၂၀ အသင်းက ကစားသမားတယောက်ဖြစ်ပြီး လက်ရွေးစင်အသင်းကြီးမှာ ရွေးချယ်ခံခဲ့ရတာပါ။
အိုဗာရီဟာ မနှစ်ရာသီကမှ အင်္ဂလိပ် ဘောလုံးလိဂ်ရဲ့ အဆင့် ၁၀ လိဂ်ကနေ မန်ယူလူငယ်အသင်းဆီ ပြောင်းရွှေ့ခွင့် ရရှိခဲ့သူပါ။
မန်ယူနိုက်တက်အသင်းကြီးမှာ ပါဝင်ခွင့်မရရှိတဲ့တိုင် လာမယ့် နိုင်ငံတကာခြေစမ်းပွဲ ၂ ပွဲအတွက် သြစတြေးလျအသင်းက ခေါ်ယူခဲ့တာပါ။
သြစတြေးလျအသင်းဟာ လာမယ့် နိုဝင်ဘာ ၁၅ ရက်နဲ့ ၁၉ ရက်တွေမှာ တောင်အမေရိက အသင်းတွေဖြစ်တဲ့ ဗင်နီဇွဲလား၊ ကိုလံဘီယာအသင်းတွေနဲ့ အမေရိကန်နိုင်ငံမှာ ခြေစမ်းပွဲ ၂ ပွဲ ကစားသွားမှာ ဖြစ်ပါတယ်။
