သြစတြေးလျနိုင်ငံ၊ နယူးဆောက်ဝေးလ်ပြည်နယ်မှာ မကြာသေးခင်က ပြန်ဖွင့်လှစ်ခဲ့တဲ့ သတ္တုတွင်းတခုမှာ အောက်တိုဘာ ၂၈ ရက် အစောပိုင်းက ပေါက်ကွဲမှုတခုကြောင့် အလုပ်သမား ၂ ယောက် သေဆုံးပြီး တယောက် ဒဏ်ရာရရှိခဲ့ပါတယ်။
ဆစ်ဒနီမြို့ အနောက်မြောက်ဘက် ၇၀၀ ကီလိုမီတာ (၄၃၅ မိုင်) အကွာရှိ ဝေးလံခေါင်သီတဲ့ ကိုးဘားရ်သတ္တုတွင်းမြို့မှာ လုပ်ငန်းခွင် မတော်တဆဖြစ်ရပ်ကြောင့် လူတွေ အပြင်းအထန် ဒဏ်ရာရရှိခဲ့ပြီးနောက် အရေးပေါ်ဝန်ဆောင်မှုဌာနတွေကို ခေါ်ဆိုခဲ့ကြောင်း ရဲတပ်ဖွဲ့က ပြောပါတယ်။
ဒီဖြစ်ရပ်ဟာ ပိုလီ မက်တယ်လ် အရင်းအမြစ်များ လိမိတက်မှ ပိုင်ဆိုင်တဲ့ အင်ဒဲဗား ငွေ၊ သွပ်နဲ့ ခဲ သတ္တုတွင်းမှာ ဖြစ်ပွားခဲ့ကြောင်း သြစတြေးလျ မီဒီယာတွေက ဖော်ပြခဲ့ပါတယ်။
ပိုလီမက်တယ်လ် ကုမ္ပဏီက မှတ်ချက်ပေးဖို့ တောင်းဆိုချက်ကို ချက်ချင်းမတုံ့ပြန်သေးပါဘူး။
ဒီသတ္တုတွင်းကို ၁၉၈၂ ခုနှစ်ကတည်းက လည်ပတ်ခဲ့ပေမဲ့ ၂၀၂၀ ခုနှစ်မှာ ပြုပြင်ထိန်းသိမ်းမှုအတွက် ပိတ်ထားခဲ့ပါတယ်။
ပိုလီမက်တယ်လ် ကုမ္ပဏီဟာ ၂၀၂၃ ခုနှစ်မှာ ဒီနေရာကို ဝယ်ယူခဲ့ပြီး အခုနှစ်မှာ သတ္တုတူးဖော်ရေး လုပ်ငန်းတွေကို ပြန်လည်စတင်လုပ်ကိုင်နေတာဖြစ်ကြောင်း ကုမ္ပဏီရဲ့ ဝက်ဘ်ဆိုက်မှာ ဖော်ပြထားပါတယ်။
Source: Reuters
