မြန်မာနိုင်ငံရဲ့ လက်ရှိအခြေအနေတွေအကြောင်း မြန်မာသတင်းသမားတွေရိုက်ကူးပုံဖော်ထားတဲ့ DVBရဲ့ ရုပ်သံမှတ်တမ်းပြပွဲ  Peacock Film Festival  ကို ဩစတြေးလျနိုင်ငံ မဲလ်ဘုန်းမြို့မှာ အောက်တိုဘာ ၂၅ ရက်က ပြုလုပ်သွားပါတယ်။ 

ပြည်သူပြည်သားသတင်းသမားတွေရဲ့ ရိုက်ကူးမှုတွေအပါအဝင် မှတ်တမ်းရုပ်ရှင် ၄ ကားကို ပြသပြီး မြန်မာပြည်ဖွား တိုင်းရင်းသားတွေအပြင် ဩစတြေေးလျနိုင်ငံသားတွေလည်း လာ ရောက်အားပေးခဲ့ပါတယ်။

ဒီရုပ်ရှင်ပွဲနဲ့အတူ  ဆွေးနွေးပွဲတခုကိုလည်း ပြုလုပ်ပြီး The Australian newspaper သတင်းတိုက်က Amanda Hodge၊ RMIT university professor နဲ့ စာရေးဆရာမ မီရှဲအောင်သင်းနဲ့ DVB သတင်းဌာနမှ မခင်ရူပါတို့ ပါဝင်ဆွေးနွေးသလို ပရိသတ်မေးခွန်းတွေကို လည်း ဖြေကြားခဲ့ပါတယ်။ 

အခုရုပ်ရှင်ပွဲကို Australia Myanmar Institute, Australia Campaign for Myanmar နဲ့ DVB တို့က ပူးပေါင်း စီစဉ်ခဲ့ကြပါတယ်။