ဒီဇင်ဘာလ၌ ခရစ္စတယ်ပဲလေ့အသင်း တပတ်အတွင်း ၄ ပွဲကစားရမည်
DVB
·
October 31, 2025
ခရစ္စတယ်ပဲလေ့အသင်းဟာ လာမယ့် ဒီဇင်ဘာလမှာတပတ်အတွင်း ၄ ပွဲကစားရမယ့် ပွဲစဉ်ဇယားနဲ့ ရင်ဆိုင်နေရပါတယ်။
လိဂ်ဖလားကွာတားဖိုင်နယ်အဆင့်ဆီတက်လှမ်းလာတဲ့ ပဲလေ့အသင်းဟာ ပရီးမီးယားလိဂ်၊ ကွန်းဖရင့်လိဂ်ပွဲစဉ်တွေလည်း ကစားရမှာဖြစ်လို့ တပတ်အတွင်း ၄ ပွဲ ကစားရဖို့ ဖြစ်လာခဲ့တာပါ။
လာမယ့် ဒီဇင်ဘာ ၁၂ရက်မှာ အိုင်ယာလန်ကလပ် ရှဲလ်ဘမ်အသင်းနဲ့ အဝေးကွင်းပွဲကစားပြီးနောက် ၂ ရက်အကြာ၊ ဒီဇင်ဘာ ၁၄ ရက်မှာ မန်စီးတီးနဲ့ အိမ်ကွင်းပွဲ ကစားရမှာပါ။
အဲဒီနောက် ၃ ရက်အကြာ ဒီဇင်ဘာ ၁၇ ရက်မှာ အာဆင်နယ်နဲ့ လိဂ်ဖလားပွဲ ကစားရမှာဖြစ်ပြီး နောက် ၂ ရက်အကြာ၊ ဒီဇင်ဘာ ၁၉ ရက်မှာ ဖင်လန်ကလပ် ကုစ်အသင်းနဲ့ ဆက်လက်ကစားရမှာပါ။
ဒီဇင်ဘာ ၁၂ရက် ကနေ ၁၉ ရက်အထိ ၄ ပွဲကစားရမယ့်အပြင် ဒီဇင်ဘာ ၂၁ ရက်မှာလည်း လိဒ်ယူနိုက်တက်နဲ့ အဝေးကွင်းပွဲရှိနေပြီး ၁၀ ရက်လောက်အတွင်းမှာ ၅ ပွဲအထိ ပွဲကျပ် ကစားသွားရ မှာ ဖြစ်ပါတယ်။
Photo: Reuters
