DVB  

ပြည်သူ့ရှေ့ဆောင်ပါတီ (PPP) ဥက္ကဋ္ဌ ဒေါ်သက်သက်ခိုင် ရွေးကောက်ပွဲဝင်ပြိုင်ခွင့်မရဘူးဆိုတဲ့ သတင်းတွေဟာ မဟုတ်မှန်တဲ့အကြောင်း  PPP တာဝန်ရှိသူနဲ့ နီးစပ်သူက ပြောပါတယ်။

“အဲဒီသတင်းတွေက ကောလာဟလတွေဖြစ်နေတာတဲ့။ ဒေါ်သက်သက်ခိုင်အတွက် ရန်ကုန် တိုင်းကော်မရှင်ရုံးမှာတောင် ကိုယ်စားလှယ်လောင်း ကတ်ပြားထုတ်ပြီးပါပြီလို့ ပြောတယ်။ အဲဒါ သတင်းအမှားပါတဲ့”လို့ အဲဒီ နီးစပ်သူက ပြောပါတယ်။

ဒေါ်သက်သက်ခိုင်အနေနဲ့ ကိုယ်စားလှယ်လောင်းအရည်အချင်းပျက်ယွင်းတဲ့အတွက် ရွေးကောက်ပွဲ ယှဉ်ပြိုင်ခွင့်မရဘူးလို့ ပြီးခဲ့တဲ့ ရက်ပိုင်းအတွင်းက  လူမှုကွန်ရက်မှာ ပျံ့နေခဲ့တာဖြစ်ပါတယ်။

PPP ပါတီ ဥက္ကဋ္ဌ ဒေါက်တာ သက်သက်ခိုင်ဟာ ဗဟန်း၊ ကမာရွတ်၊ အလုံ၊ စမ်းချောင်း၊ ကြည့်မြင်တိုင်၊ လှိုင်၊ မရမ်းကုန်း၊ မြောက်ဥက္ကလာပ တို့ပါဝင်တဲ့ အမျိုးသားလွှတ်တော် မဲဆန္ဒနယ် အမှတ် ၂ မှာ FPTP (နိုင်သူအကုန်ယူ) စနစ်နဲ့ ဝင်ပြိုင်မယ်လို့ သိရပါတယ်။

ရန်ကုန်တိုင်းဒေသကြီးရွေးကောက်ပွဲကော်မရှင်အဖွဲ့ခွဲက ကနဦးကြေညာတဲ့ အမတ်လောင်း စာရင်းမှာ ဒေါ်သက်သက်ခိုင်နာမည်ပါဝင်ခဲ့ပေမဲ့ ပြည်ထောင်စုရွေးကောက်ပွဲကော်မရှင်ရဲ့ အပြီးသတ် ထုတ်ပြန်ချက်မှာ ပါမလာတော့တာ ဖြစ်ပါတယ်။

NLD ရဲ့ အမတ်ဟောင်း ဒေါက်တာသက်သက်ခိုင်ဟာ သီးခြားပါတီထောင်ပြီး ၂၀၂၀ ရွေးကောက်ပွဲမှာ ရွေးကောက်ပွဲဝင်ခဲ့ပေမဲ့ ရှုံးနိမ့်ခဲ့တယ်။

၂၀၂၁ စစ်တပ်အာဏာသိမ်းပြီးနောက်မှာ စစ်ကောင်စီက ခန့်အပ်တဲ့ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဝန်ကြီး၊ ဟိုတယ်နဲ့ ခရီးသွားလာရေးဝန်ကြီးတာဝန်တွေကို ထမ်းဆောင်ခဲ့သူလည်း ဖြစ်ပါတယ်။