လစ်သူယေးနီးယားနိုင်ငံရဲ့ လေပိုင်နက်အတွင်းမှာ ဒါဇင်ပေါင်းများစွာသော မှောင်ခိုသမားတွေရဲ့ ရာသီဥတု မိုးပျံပူဖောင်းတွေကြောင့် အောက်တိုဘာ ၂၁ ရက်က ဗီးလ်နီးယပ်စ် လေဆိပ်မှာ လေကြောင်း အသွားအလာ ရပ်ဆိုင်းခဲ့ရကြောင်း နိုင်ငံရဲ့ အမျိုးသားအကျပ်အတည်း စီမံခန့်ခွဲမှုဗဟိုဌာန (NCMC) က ထုတ်ပြန်ချက်မှာ ဖော်ပြပါတယ်။
ဘယ်လာရုစ်နိုင်ငံက စီးကရက်တွေကို မှောင်ခိုသယ်ယူရာမှာ အသုံးပြုတဲ့ ရာသီဥတု ပူဖောင်းတွေကြောင့် လေကြောင်းလုပ်ငန်းတွေ ရပ်တန့်သွားရကြောင်း NCMC မှ ထုတ်ပြန်ချက်မှာ ဆိုထားပါတယ်။
လစ်သူယေးနီးယားနိုင်ငံ ကားနူ့စ်လေဆိပ်နဲ့ ဝါဆောမြို့ အပါအဝင် အဝင်လေကြောင်း ခရီးစဉ် ၈ ခုကို အခုချိန်အထိ လမ်းကြောင်းပြောင်းထားရတယ်လို့ ဗီးလ်နီးယပ်စ် လေဆိပ်အော်ပရေတာမှ ပြောကြားခဲ့ပါတယ်။
အိမ်နီးချင်း ဘယ်လာရုစ်နိုင်ငံမှ စီးကရက်တွေကို မှောင်ခိုသယ်ဆောင်လာတဲ့ ဟီလီယမ် ပူဖောင်း အလားတူဖြစ်ရပ်ကြောင့် အောက်တိုဘာ ၅ ရက်မှာ ဗီးလ်နီးယပ်စ် လေဆိပ်ကိုလည်း ပိတ်ခဲ့ရပါတယ်။
ကိုပင်ဟေဂင်၊ မြူးနစ်ချ်နဲ့ ဘောလ်တစ် ဒေသရှိ လေဆိပ်တွေအပါအဝင် မကြာသေးခင် ရက်သတ္တပတ်တွေ အတွင်း ဒရုန်းလွှတ်တင် ထောက်လှမ်းမှုတွေနဲ့ လေကြောင်း ကျူးကျော်မှုတွေ ကြောင့် ဥရောပလေကြောင်း သွားလာရေးကို အကြိမ်ကြိမ် ပရမ်းပတာဖြစ်ခဲ့ပါတယ်။
Source: Reuters
