ကမ္ဘာလုံးဆိုင်ရာ နည်းပညာမိတ်ဖက်တွေက ဆောင်ရွက်တဲ့ ပြင်ပဖောက်သည်ဝန်ဆောင်မှု ပလက်ဖောင်းတခုနဲ့ ပတ်သက်တဲ့ ဒေတာပေါက်ကြားမှုတခု ဖြစ်ခဲ့တယ်လို့ ဗီယက်နမ်နိုင်ငံရဲ့ အထင်ကရ လေကြောင်းလိုင်းဖြစ်တဲ့ ဗီယက်နမ် လေကြောင်းလိုင်းက အောက်တိုဘာ ၁၄ ရက်မှာ အတည်ပြုခဲ့ပါတယ်။

ဗီယက်နမ် လေကြောင်းလိုင်း အပါအဝင် ကုမ္ပဏီအတော်များများက ဖောက်သည်မှတ်တမ်း ၂၃ သန်းလောက်ကို ဆိုက်ဘာဖောက်ထွင်းသူ ဟက်ကာတွေက အင်တာနက်ပေါ် တင်ခဲ့တယ်ဆိုတဲ့ အီးမေးလ်တစောင်ကို ဖောက်သည်တွေဆီ ပေးပို့ခဲ့ပါတယ်။

အောက်တိုဘာ ၁၀ ရက်မှာ ကျင်းပတဲ့ သတင်းအချက်အလက် ကုန်သွယ်ရေးဖိုရမ်မှာ ပေါက်ကြားသွားတဲ့ သတင်းအချက်အလက်တွေထဲမှာ ဖောက်သည်တွေရဲ့ နာမည်တွေ၊ အီးမေးလ်လိပ်စာတွေ၊ ဖုန်းနံပါတ်တွေ၊ မွေးနေ့တွေနဲ့ အဖွဲ့ဝင်တွေရဲ့ နာမည်တွေ ပါဖို့ရှိနေပါတယ်။

“ငွေပေးချေမှု အချက်အလက်တွေ၊ စကားဝှက်တွေ၊ ခရီးသွားလမ်းကြောင်းတွေ Lotusmiles လက်ကျန်ငွေတွေနဲ့ နိုင်ငံကူးလက်မှတ်ထဲက အချက်အလက်တွေလို   အသေးစိတ် ဒေတာတွေကတော့ လုံခြုံနေတယ်” လို့ ဆိုပါတယ်။

ဒါ့အပြင် ဗီယက်နမ်လေကြောင်းလိုင်းရဲ့ အတွင်းပိုင်း အိုင်တီစနစ်တွေကို မထိခိုက်ဘူးလို့ သတင်းထုတ်ပြန်ချက်မှာ ဖော်ပြထားပါတယ်။

အချက်အလက်တွေကို ဖော်ထုတ်နိုင်ခဲ့တဲ့ ဖောက်သည်တွေကို လေကြောင်းလိုင်းတွေက တိုက်ရိုက်ဆက်သွယ်ပြီး အကူအညီပေးထားပါတယ်။

ဗီယက်နမ်လေကြောင်းလိုင်းကလွဲလို့ ဟက်ကာတွေဟာ Fujifilm၊ GAP၊ Engie Resources၊ ကန်းတက်စ် လေကြောင်းလိုင်းနဲ့ အယ်လ်ဘတ်ဆန်စ် ကုမ္ပဏီတို့ အပါအဝင် သူတို့ပစ်မှတ်ထားတဲ့ တခြားကုမ္ပဏီ ၃၉ ခုက အချက်အလက်တွေကို လွှင့်တင်ခဲ့ပါတယ်။

Source: Reuters