ကမ္ဘာ့ရွှေဈေးဟာ အောက်တိုဘာ ၁၄ ရက်မှာ တအောင်စကို အမေရိကန်  ဒေါ်လာ ၄၁၇၉  ဒေါ်လာအထိ ရှိခဲ့ပြီး တပတ်အတွင်း အမြင့်ဆုံးဈေးနှုန်းကို ရောက်ရှိလာပါတယ်။

ပြည်တွင်းရွှေဈေးကလည်း အောက်တိုဘာ ၇ ရက်က  အခေါက်ရွှေ တကျပ်သားကို  ၈,၀၅၀,၀၀၀ ကျပ်လောက် ရှိခဲ့ပေမဲ့ ကမ္ဘာ့ရွှေဈေး တောက်လျှောက်တက်လာတာနဲ့အမျှ  အောက်တိုဘာ ၁ ၄ရက် ညနေပိုင်းမှာ ကျပ် ၈,၅၄၀,၀၀၀ အထိ မြင့်တက်ရောက်ရှိလာတာပါ။ 

ကမ္ဘာ့ရွှေဈေးက တပတ်အတွင်း တအောင်စကို  ဒေါ်လာ ၂၀၀ နီးပါး မြင့်တက်လာပြီး ပြည်တွင်းဈေးက   တကျပ်သားကို ကျပ် ၅ သိန်းဝန်းကျင် မြင့်တက်လာတာ ဖြစ်ပါတယ်။

ကမ္ဘာ့ရွှေဈေးနဲ့အတူ  ပြင်ပရွှေဈေးလည်း မြင့်တက်လာပေမဲ့  ရန်ကုန်တိုင်း ရွှေလုပ်ငန်းရှင်များ အသင်းရဲ့  ဓာတ်သတ္တု(ရွှေ) ရည်ညွှန်းဈေးကတော့  ၅,၉၉၀,၀၀၀ ကျပ်မှာပဲ ဈေးဆက်ငြိမ်နေတာ တွေ့ရပါတယ်။

ဒါပေမဲ့ ကမ္ဘာ့ရွှေဈေးက ညပိုင်းမှာတော့ တအောင်စကို အမေရိကန်  ဒေါ်လာ ၄၁၃၀  ဒေါ်လာဝန်းကျင်ကို ပြန်ကျဆင်းသွားတာ တွေ့ရပါတယ်။