အမေရိကန်ရွှေဈေး ၁ အောင်စကို အမေရိကန် ဒေါ်လာ ၄,၀၀၀ ကို ကျော်လွန်ပြီး ဈေးဆက်တက်နေပါတယ်။ 

အမေရိကန်ဗဟိုဘဏ်ရဲ့ ဒီလဈေးနှုန်းသတ်မှတ်မှုနဲ့ အမေရိကန်အစိုးရလုပ်ငန်းတွေ ရပ်ဆိုင်းခဲ့တဲ့အတွက် ရွှေးဈေးနှုန်းတွေ မြင့်တက်ခဲ့တာပါ။

၁ အောင်စကို  ဒေါ်လာ ၄၀၁၄ ဒသမ ၆ အထိ မြင့်တက်ခဲ့ပြီးနောက် ဒီဇင်ဘာလတုန်းက အမေရိကန်ရွှေဈေး ဒေါ်လာ ၄၀၀၄ ဒသမ ၄ ရှိပြီး ၀ ဒသမ ၇  ရာခိုင်နှုန်းနဲ့ ဈေးနှုန်း တည်ငြိမ်ခဲ့ပါတယ်။

ချက်ချင်းရောင်းချတဲ့ လက်ငင်းရွှေဈေးကတော့ နေ့လယ် ၁နာရီ ၄၈ မိနစ်မှာ ၁ အောင်စကို ဒေါ်လာ ၃၉၈၅ ဒသမ ၈၂ နဲ့ ၀ ဒသမ ၆ ရာခိုင်နှုန်းမြင့်တက်ခဲ့ပါတယ်။

ဒါဟာ ဒီနှစ်အတွက် အမြင့်ဆုံးဈေးဖြစ်တဲ့ ဒေါ်လာ ၃၉၉၀ ဒသမ ၈၅ အထိ စံချိန်တင်မြင့်တက်ခဲ့ပြီးနောက်ပိုင်း ဈေးနှုန်းဖြစ်ပါတယ်။

ချက်ချင်းရောင်းချနိုင်တဲ့ လက်ငင်းရွှေဈေး Spot Gold ရဲ့ မူလဈေးကွက်တန်ဖိုးက လန်ဒန်လက်လီရောင်းချတဲ့ ဈေးကွက်ရဲ့ ဈေးနှုန်းဖြစ်ပြီး အဲ့ဒီဈေးနှုန်းက ကမ္ဘာ့ရွှေဈေးနှုန်းသတ်မှတ်ချက်ဖြစ်ပါတယ်။

ပြီးခဲ့တဲ့ အင်္ဂါနေ့ဟာ အမေရိကန်အစိုးရလုပ်ငန်းတွေ ရပ်ဆိုင်းတဲ့ ၇ ရက်မြောက်နေ့ဖြစ်ပါတယ်။ အစိုးရလုပ်ငန်းတွေ ရပ်ဆိုင်းတာက စီးပွားရေးဆိုင်ရာ အဓိကညွှန်းကိန်းတွေကို ထုတ်ပြန်ဖို့ ရွှေ့ဆိုင်းမှုတွေ ဖြစ်ပေါ်စေပါတယ်။

ဒီလိုဖြစ်မှုဟာ ရင်းနှီးမြှုပ်နှံသူတွေကို အခြားနေရာမှာ ရင်းနှီးမြှုပ်နှံမှုဖြစ်စေတဲ့ တွန်းအားတခုပဲဖြစ်ပါတယ်။

အစိုးရရဲ့ စံသတ်မှတ်မှုတွေ မရှိတဲ့အချိန်မှာ ငွေဈေးနှုန်းတွေလည်း တက်လာပါတယ်။ ဒီလ ဖက်ဒရယ်အစည်းအဝေးတွေမှာ ရင်းနှီးမြှုပ်နှံသူတွေက ၀ ဒသမ ၂၅  ရာခိုင်နှုန်း အတိုးနှုန်းသတ်မှတ်မှုကို အသုံးပြုနေပြီး ဒီဇင်ဘာလမှာ နောက်ထပ် ၀ ဒသမ ၂၅ ရာခိုင်နှုန်း အတိုးနှုန်းထပ်ပြီး သတ်မှတ်ဖို့လည်း မျှော်လင့်ထားပါတယ်။ 

Source: Reuters