ပြည်ထောင်စုအစိုးရလုပ်ငန်းတွေ ပိတ်သိမ်းထားတာ ၁၀ ရက်မြောက်နေ့ဖြစ်တဲ့ အောက်တိုဘာ ၁၀ ရက်မှာ အမေရိကန် ကျန်းမာရေး၀န်ကြီး ရောဘတ် အက်ဖ် ကနေဒီ ဂျူနီယာက သိပ္ပံပညာရှင်တွေ၊ သမားတော်တွေနဲ့ ပြည်သူ့ကျန်းမာရေးအရာရှိ အယောက် ၁,၀၀၀ ကျော်ကို ထုတ်ပယ်ခဲ့ပါတယ်။

အစုလိုက်အပြုံလိုက် တာဝန်ကနေ ရပ်စဲလိုက်တာဟာ ရောဂါထိန်းချုပ်ရေးနဲ့ ကာကွယ်ရေးဗဟိုဌာန (CDC) ထဲက အမျိုးသားကာကွယ်ဆေးနဲ့ အသက်ရှူလမ်းကြောင်းဆိုင်ရာ ရောဂါများဌာန (NCIRD) က ဝန်ထမ်း အယောက် ၁၃၀ လောက် အပါအဝင် ရောဂါထိန်းချုပ်ရေးနဲ့ ကာကွယ်ရေးဌာန (CDC) ထဲက အရေးကြီးတဲ့ ဌာနခွဲတွေကို ထိခိုက်ခဲ့ပါတယ်။

ဒီဆုံးဖြတ်ချက်က ကူးစက်ရောဂါတွေ၊ စိတ်ကျန်းမာရေးဆိုင်ရာ အကျပ်အတည်းတွေ၊ ပြည်သူ့ကျန်းမာရေးဆိုင်ရာ ခြိမ်းခြောက်မှုတွေကို ကိုင်တွယ်ဖြေရှင်းဖို့ နိုင်ငံတော်ရဲ့ စွမ်းဆောင်ရည်ကို ဆိုးဆိုးရွားရွား ထိခိုက်စေကြောင်း သတိပေးခဲ့ဖူးတဲ့ ကျန်းမာရေးနဲ့ လူသားဝန်ဆောင်မှုဌာန (HHS) က အရာရှိဟောင်းတွေက အပြင်းအထန် ဝေဖန်ခဲ့ကြပါတယ်။

အရင်က CDC လက်ထောက်ညွှန်ကြားရေးမှူးနဲ့ ဆေးဘက်ဆိုင်ရာ အရာရှိချုပ် ဒေါက်တာ ဒယ်ဘရာ ဟိုရီက ဒီလို ဝန်ထမ်းအရေအတွက် ဖြတ်တောက်တာဟာ အကျိုးဆက်တွေ ရှိလာနိုင်ပြီး အမေရိကန်ပြည်သူတွေရဲ့ လုံခြုံရေးအတွက် စိုးရိမ်တယ်လို့ ပြောခဲ့ပါတယ်။

ပြည်ထောင်စုဌာန အများအပြားကို ဆိုင်းငံ့ထားရတဲ့ ကာလကြာရှည် ဘတ်ဂျက် အဟန့်အတားကြားမှာ ခုလို အလုပ်ထုတ်ခဲ့တာပါ။

အိမ်ဖြူတော်က HHS ရပ်စဲတာနဲ့ ပတ်သက်လို့ တရားဝင်ကြေညာချက် မထုတ်ပြန်သေးပေမဲ့ ဒီလှုပ်ရှားမှုကြောင့် အစိုးရလုပ်ငန်းတွေ အချိန်အကြာကြီး ပိတ်ထားချိန်မှာ ပြည်သူ့ကျန်းမာရေးအတွက် အစိုးရရဲ့ အကာအကွယ်ပေးနိုင်စွမ်းအပေါ် စိုးရိမ်မှုတွေ ပြင်းထန်လာစေခဲ့ပါတယ်။

Source: Reuters