မန်ယူနိုက်တက် နည်းပြအာမိုရင်ကို ရာထူးကနေ ထုတ်ပယ်သွားဖို့ အစီအစဉ်မရှိကြောင်း အသင်းပူးတွဲ ပိုင်ရှင်လည်းဖြစ်၊ အသင်းကို စီမံခန့်ခွဲနေသူလည်းဖြစ်တဲ့ ဆာဂျင်ရတ်ကလစ်ဖ်က အတည်ပြုသွားပါတယ်။
မန်ယူအသင်းဟာ ပြီးခဲ့တဲ့တပတ်က ဆန်းဒါးလန်းအသင်းကို ၂ ဂိုး ဂိုးမရှိနဲ့ အနိုင်မရခင်အထိ နိုင်တလှည့်၊ ရှုံးတလှည့်နဲ့ ရလဒ်ပိုင်း မတည်မငြိမ်ဖြစ်ခဲ့တာပါ။
ဘရန့်ဖိုဒ်ကို ၃ ဂိုး ၁ ဂိုးနဲ့ ရှုံးနိမ့်ခဲ့တဲ့ ပွဲစဉ်အပြီးမှာ နည်းပြအာမိုရင် ထုတ်ပယ်ခံရနိုင်ကြောင်း သတင်းထွက်လာခဲ့ပေမဲ့ အဲဒီလိုဖြစ်လာမှာမဟုတ်ကြောင်း ရတ်ကလစ်က အတည်ပြုခဲ့တာပါ။
ရူဘင်ဟာ အကောင်းဆုံးဘောလုံးရာသီတွေဖြစ်လာအောင် စွမ်းဆောင်နိုင်ခြင်းမရှိသေးဘဲ ၃ နှစ်ကျော်လောက် အချိန်အတွင်း အံ့မခန်းနည်းပြတယောက်ဆိုတာကို ပြသနိုင်ဖို့ လိုအပ်ကြောင်း၊ မန်ချက်စတာယူနိုက်တက်လို အသင်းကို စိုးရိမ်မှုတွေနဲ့ တည်ဆောက်လို့ မရနိုင်ကြောင်း ဆာဂျင်ရတ်ကလစ်ဖ်က ပြောသွားပါတယ်။
