ရန်ကုန်မြို့လယ်၊ ပန်းဘဲတန်းမြို့နယ်၊ Beauty Land Hotel မှာ အမျိုးသမီးတယောက်ကို ဓားနဲ့ ခုတ်သတ်ခဲ့သူနဲ့ အလောင်းဖျောက်ပေးတဲ့ သူ့ရဲ့ရည်းစားဖြစ်သူတို့ကို ထပ်မံဖမ်းဆီးရမိခဲ့တယ်လို့ အုပ်ချုပ်ရေးနဲ့နီးစပ်သူတွေဆီက သိရပါတယ်။
ပြစ်မှုကျူးလွန်သူ အသက် ၁၈ နှစ်အရွယ် အောင်ခန့်ကျော်ဇင်ကို သာကေတမြို့နယ် အမှတ် ၇ ရပ် ကွက်အရှေ့မှာ ဖမ်းမိခဲ့ပြီး အလောင်းဖျောက်ပေးခဲ့တဲ့ ရည်းစားဖြစ်သူ အသက် ၁၈ နှစ်အရွယ် မအေမွန်အောင်ကို ဗဟန်းမြို့နယ်၊ ရွှေဂုံတိုင်ရပ်ကွက်၊ အောင်ချမ်းသာအိမ်ရကနေ ဖမ်းမိခဲ့တာလို့ အုပ်ချုပ်ရေးနဲ့ နီးစပ်တဲ့ သတင်းရင်းမြစ်က ပြောပါတယ်။
"အသတ်ခံရတဲ့ ကောင်မလေး နတ္တလင်းက မစုမြတ်ဝင်းလို့ခေါ်တယ်။ သတ်တဲ့ကောင်လေးက လူသတ်ကားတွေအကြည့်များပြီး စိတ္တဇဆန်ဆန် ဓား ၂ ချောင်းနဲ့ လှီးဖြတ်တာ။ သတ်ပြီးတော့ ဗဟန်းက သူကောင်မလေးက အခန်းကို သန့်ရှင်းရေးလာလုပ်ပေးတာ။ လက်ရှိတော့ စစ်ဆေးနေတယ်။”
အောက်တိုဘာ ၅ ရက်က မစုမြတ်ဝင်းကို ခန့်ကျော်ဇင်က လူမှုကွန်ရက်မှာ ချိန်းဆိုပြီး အခ ကြေးငွေနဲ့ Beauty Land Hotel အခန်းနံပါတ် ၅၀၂ မှာ ပျော်ပါးကာ ဓား ၂ ချောင်းနဲ့ တစစီ ခုတ်ထစ်သတ်ဖြတ်ခဲ့ပြီး ရည်စားဖြစ်သူကလည်း အခန်းကို သန့်ရှင်းရေးလာလုပ်ပေးခဲ့တယ်လို့သူ က ရှင်းပြပါတယ်။
လက်တလောမှာ ပြစ်မှုကျူးလွန်သူ အောင်ခန့်ကျော်ဇင်နဲ့ မအေမွန်အောင်တို့ကို ပန်းဘဲတန်းမြိုနယ်ရဲစခန်းက (ပ)အမှတ် ၄၂/၃၀၂ နဲ့ အမှုဖွင့်လှစ် စစ်ဆေးနေပါတယ်။
