လီဗာပူး ဂိုးသမား အလစ်ဆန်အနေဟာ ဒဏ်ရာကြောင့် တလခွဲလောက် အနားယူရမယ်လို့ သိရ ပါတယ်။
ဘရာဇီးဂိုးသမားဟာ တူရကီကလပ် ဂါလာတာစာရေးကို ရှုံးနိမ့်ခဲ့တဲ့ပွဲစဉ်မှာ တံကောက်ကြော ဒဏ်ရာရရှိခဲ့တာဖြစ်ပြီး ဒဏ်ရာအခြေအနေစစ်ဆေးခဲ့ပြီးနောက် တလခွဲလောက် အနားယူရဖို့ ဖြစ်လာခဲ့တာပါ။
အလစ်ဆန်အနေနဲ့ အောက်တိုဘာ ၁၉ ရက်မှာ ကစားရမယ့် မန်ယူနိုက်တက်နဲ့ပွဲစဉ်၊ နိုဝင်ဘာ ၄ ရက်မှာ ကစားရမယ့် ရီးရဲလ်မက်ဒရစ်နဲ့ ပွဲစဉ်တွေအပါအဝင် နိုဝင်ဘာ ၉ ရက်မှာ ကစားရမယ့် မန်စီးတီးနဲ့ပွဲစဉ်ကိုလည်း လွဲချော်မယ်လို့ သိရပါတယ်။
အခုတပတ်ယှဉ်ပြိုင်ကစားမယ့် ချဲလ်ဆီးနဲ့ ပရီးမီးယားလိဂ်ပွဲစဉ်ကိုလည်း လွဲချော်မှာဖြစ်ပြီး အရန်ဂိုးသမားဖြစ်သူ မာမာဒက်ရှ်ဗီလီက ပွဲထွက် ကစားသွားမှာပါ။
ဂါလာတာစာရေးနဲ့ပွဲမှာပဲ ဒဏ်ရာရခဲ့တဲ့ တိုက်စစ်မှူး အစ်ကီတီကီကတော့ ပြင်းထန်တဲ့ဒဏ်ရာအခြေအနေ မဟုတ်တာကြောင့် ချဲလ်ဆီးနဲ့ပွဲမှာ ပါဝင်လာနိုင်တယ်လို့ သိရ ပါတယ်။
Photo: Reuters
