အစ္စရေးစစ်တပ်က မြေပြင်ထိုးစစ်ကို ချဲ့ထွင်နေတာကြောင့် လူထောင်ပေါင်းများစွာ ထွက်ပြေးခဲ့ရတယ်၊ မညှာမတာ အပြင်းအထန် ဗုံးကြဲတိုက်ခိုက်ခံရတယ်လို့ ဂါဇာမြို့ခံတွေက ပြောပါတယ်။
မိုးလင်းကတည်းက ဂါဇာကမ်းမြောင်ဒေသမှာ အစ္စရေးတို့ တိုက်ခိုက်လို့ လူ ၁၀၆ ယောက်ထက် မနည်း သေဆုံးခဲ့ပြီး အစာငတ်ခဲ့ရတယ်လို့လည်း ဆိုပါတယ်။
အစ္စရေးရဲ့ ဂါဇာမှာ ၂ နှစ်နီးပါးကြာတဲ့ စစ်ပွဲဟာ လူမျိုးတုံးသတ်ဖြတ်မှုဖြစ်တယ်လို့ ကုလသမဂ္ဂ စုံစမ်းရေးကော်မရှင်က တွေ့ရှိ ဆုံးဖြတ်ခဲ့ပါတယ်။
ယီမင်နိုင်ငံရဲ့ ဆိပ်ကမ်းမြို့ ဟိုဒေးဒါကို အစ္စရေးက လေကြောင်းတိုက်ခိုက်မှုတွေ အသစ်တဖန် ပြန်စနေချိန်မှာ အမေရိကန် နိုင်ငံခြားရေးဝန်ကြီး မာကိုရူဘီအိုက ကာတာနိုင်ငံနဲ့ ဆွေးနွေးနေပါတယ်။
ဂါဇာမှာ အစ္စရေးရဲ့ စစ်ပွဲကြောင့် လူပေါင်း ၆၄,၉၆၄ ယောက်ထက်မနည်း သေဆုံးပြီး ၁၆၅,၃၁၂ ယောက် ဒဏ်ရာရခဲ့ပါတယ်။
ဟားမတ်စ်တို့ရဲ့ အောက်တိုဘာ ၇ ရက် တိုက်ခိုက်မှုအတွင်း အစ္စရေးမှာ စုစုပေါင်း လူ ၁,၁၃၉ ယောက် သေဆုံးခဲ့ပြီး လူ ၂၀၀ လောက်ကို ဓားစာခံအဖြစ် ဖမ်းဆီးထားခဲ့ပါတယ်။
Source: Reuters
