တရုတ်မြို့တော် ပေကျင်းမြို့မှာ စနေနေ့ညနေခင်းက မိုးသီးမုန်တိုင်း ရုတ်တရက် တိုက်ခတ်လို့ မြူနီစပယ်အစိုးရက မိုးကြိုးပစ်မှုအတွက် အဝါရောင်သတိပေးချက် ထုတ်ပြန်ခဲ့ရပါတယ်။
တုံးချန်း၊ ရှီးချန်း၊ ဟိုင်ဒဲ့အန်းနဲ့ ချောင်ယန်တို့လို ခရိုင်အများအပြားမှာ မိုးသီးမုန်တိုင်းတွေအတွက် အဝါရောင်သတိပေးချက် ထုတ်ပြန်ထားပါတယ်။
နေရာကွက်ကျား မိုးထစ်ချုန်းရွာတဲ့ မုန်တိုင်းဟာ ပေကျင်းမြို့တော် အနောက်ဘက်ကနေ အရှေ့ဘက်ဆီ ရွေ့လျားနိုင်ပြီး တချို့နေရာတွေမှာ လေပြင်းတိုက်ခတ်နိုင်တယ်လို့ မိုးလေဝသ အာဏာပိုင်တွေက ခန့်မှန်းထားပါတယ်။
တရုတ်နိုင်ငံမှာ အပြင်းထန်ဆုံးအဆင့်ကနေ တဆင့်ချင်းနိမ့်သွားတာကို ကိုယ်စားပြုတဲ့ အနီရောင်၊ လိမ္မော်၊ အဝါနဲ့ အပြာ အရောင်ကုဒ်တွေနဲ့ မိုးလေဝသ သတိပေးစနစ်ကို အသုံးပြုထားပါတယ်။
မန်ထူဂူခရိုင်က ဒါမိုကျွမ်းရွာမှာ ၃၁ ဒသမ ၁ မီလီမီတာနဲ့ မိုးရေချိန် အမြင့်ဆုံး ရွာသွန်းခဲ့ပြီး ခရိုင်အများအပြားမှာ မိုးသည်းတာနဲ့ မိုးကြိုးပစ်တာတွေကို မှတ်တမ်းတင်ထားပါတယ်။
Source: Reuters
