အင်္ဂလန်လက်ရွေးစင်နောက်ခံလူဟောင်း အာရွန်ဝမ်ဘစ်ဆာကာဟာ ကွန်ဂိုလက်ရွေးစင်အသင်းကို ကိုယ်စားပြု ကစားသွားမှာဖြစ်ပါတယ်။
အသက် ၂၇ နှစ်ရှိ ညာနောက်ခံလူဟာ ခရစ္စတယ်ပဲလေ့မှာ အကောင်းဆုံးပုံစံရရှိခဲ့ပြီးနောက် ၂၀၁၉ ခုနှစ်က မန်ယူနိုက်တက်ဆီ ပြောင်းရွှေ့ကစားခဲ့သူပါ။
သူ့ရဲ့ အကောင်းဆုံးအချိန်မှာ ဝေါ်ကာ၊ ထရစ်ပီယာနဲ့ အာနိုးလ်တို့လို ကစားသမားကောင်းတွေရှိတာ ကြောင့် အင်္ဂလန်အသင်းမှာ နေရာမရခဲ့သူပါ။
အင်္ဂလန် ယူ-၂၁ လူငယ်အသင်းမှာ ကစားခဲ့ဖူးတဲ့ ဝမ်ဘစ်ဆာကာဟာ လက်ရှိအချိန်မှာတော့ နိုင်ငံကိုယ်စားပြုအသင်းပြောင်းလဲတော့မှာဖြစ်ပြီး ကွန်ဂိုအသင်းမှာ ပါဝင်ကစားတော့မှာပါ။
ဝမ်ဘစ်ဆာကာဟာ လန်ဒန်မှာ မွေးဖွားခဲ့သူဖြစ်ပေမဲ့ ကွန်ဂိုမိဘတွေ ကနေ ဆင်းသက်လာသူဖြစ်လို့ ကွန်ဂိုအသင်းမှာ ပြောင်းလဲကစားခွင့်ရရှိခဲ့တာပါ။
ကွန်ဂို အသင်းဟာ ကမ္ဘာ့ဖလားခြေစစ်ပွဲတွေအဖြစ် တောင်ဆူဒန်၊ ဆီနီဂေါအသင်းတွေနဲ့ ယှဉ်ပြိုင်ကစားသွားရမှာဖြစ်ပြီး ဝမ်ဘစ်ဆာကာက နိုင်ငံအသင်းသစ်နဲ့ ပွဲဦးထွက်ကစားဖို့ ရှိပါတယ်။
Photo: Reuters
