ဟွိုက်လန်းနှင့် ကိုဘီမိန်နူးကို ခေါ်ယူရန် မန်ယူအသင်းနှင့် နာပိုလီအသင်း ဆွေးနွေး
DVB
·
August 28, 2025
အီတလီစီးရီးအေချန်ပီယံ နာပိုလီအသင်းဟာ မန်ယူတိုက်စစ်မှူး ဟွိုက်လန်းနဲ့ ကွင်းလယ်လူ ကိုဘီမိန်နူးတို့ကို တပြိုင်နက်တည်း ခေါ်ယူသွားဖို့ ဆွေးနွေးနေပါတယ်။
ကနဦးမှာ တိုက်စစ်မှူး ဟွိုက်လန်းအတွက် ဆွေးနွေးမှုတွေလုပ်ဆောင်ခဲ့ပြီး အငှားစာချုပ်နဲ့ ခေါ်ယူကာ ရာသီအကုန်မှာ အပြီးသတ်ခေါ်ယူဖို့ ရှိပါတယ်။
အဲဒီနောက် မိန်နူးကိုပါ ခေါ်ယူနိုင်ဖို့ ဆက်လက်ဆွေးနွေးနေပြီး ချန်ပီယံလိဂ်ပြိုင်ပွဲကစားရမယ့် မက်လုံးနဲ့ ဆွဲဆောင်စည်းရုံးဖို့ ရှိတယ်လို့ သိရပါတယ်။
နာပိုလီဟာ မနှစ်က တနှစ်တာအကောင်းဆုံးဆုရတဲ့ မက်တွန်မီနေးကိုလည်း မန်ယူအသင်းဆီကနေ ဝယ်ယူခဲ့ပြီး နောက်ထပ် မန်ယူကစားသမား ၂ ယောက်ကို ထပ်မံခေါ်ယူဖို့ ကြိုးပမ်းလာခဲ့တာ ဖြစ်ပါတယ်။
