နယူးကာဆယ်တိုက်စစ်မှူး အီဆက်ခ်ဟာ ဆွီဒင်လက်ရွေးစင်အသင်းလူစာရင်းမှာ ပါဝင်လာခဲ့ပါ တယ်။
အသင်းပြောင်းရွှေ့ချင်တဲ့ အီဆက်ခ်ဟာ ကလပ်အသင်းနဲ့ ပူးပေါင်းလေ့ကျင့်ခြင်းမရှိတာ ၃ လနီးပါးကြာမြင့်နေပြီဖြစ်ပေမဲ့ ဆွီဒင်အသင်းက ရွေးချယ်ခဲ့တာပါ။
အီဆက်ခ်ရဲ့ အခြေအနေက တိကျတဲ့အဖြေပေးဖို့ ခက်ခဲပြီး ဘာတွေဆက်ဖြစ်မလဲဆိုတာ မသိနိုင်ကြောင်းနဲ့ အီဆက်ခ်ဟာ ပရော်ဖက်ရှင်နယ်ပီသပြီး အလုပ်ကြိုးစားသူဖြစ်သလို ပွဲကို အလှည့်အပြောင်းလုပ်နိုင်စွမ်းရှိတယ်လို့လည်း ဆွီဒင်နည်းပြ တွမ်မက်ဆန်က ပြောသွားပါတယ်။
အီဆက်ခ်က ပြီးခဲ့တဲ့မေလ ၂၅ ရက်က နောက်ဆုံး ကစားခဲ့တာဖြစ်ပြီး ပြိုင်ပွဲအသွင်နဲ့ ဘောလုံးမကစားရတာ ၃ လ ကျော်ကြာမြင့်နေပြီဖြစ်ပါတယ်။
နယူးကာဆယ်တာဝန်ရှိသူတွေဟာ အီဆက်ခ်ကိုဆက်ထိန်းဖို့ ဖျောင်းဖျစည်းရုံးနေပေမဲ့ အသင်းဘက်က ကတိသစ္စာမရှိတာကြောင့် လမ်းခွဲတာက နှစ်ဖက်စလုံးအတွက် ကောင်းမွန် ကြောင်း တရားဝင် စာထုတ်ပြန်ထားပါတယ်။
Photo: Reuters
