နယူးကားဆယ်အသင်း ပူးတွဲပိုင်ရှင် ဂျေမီရူဘင်ဟာ တိုက်စစ်မှူး အီဆက်ခ်ကို ဆက်လက် ထိန်းနိုင်ဖို့အတွက် ကစားသမားဖြစ်သူရဲ့ နေအိမ်အထိ သွားရောက်စည်းရုံး ဖျောင်းဖျခဲ့တယ်လို့ သိရပါတယ်။

ဆွီဒင်တိုက်စစ်မှူးဟာ အသင်းရဲ့ ကတိမတည်မှုတွေကြောင့် လမ်းခွဲတာက နှစ်ဦးနှစ်ဖက်အတွက် အကောင်းဆုံးဖြစ်ကြောင်း တရားဝင် စာထုတ်ပြန်ထားတာပါ။

လီဗာပူးအသင်းရဲ့ ကမ်းလှမ်းမှုကိုလည်း ရရှိထားတာကြောင့် နယူးကာဆယ်ကနေ ထွက်ခွာဖို့ ဆုံးဖြတ်ထားတာပါ။

မနေ့က ကစားခဲ့တဲ့ လီဗာပူးနဲ့ပွဲစဉ် မတိုင်ခင်မှာ နယူးကာဆယ် ပူးတွဲပိုင်ရှင် ဂျေမီရူဘင်နဲ့ ဒါရိုက်တာ ဆိုလစ်တို့ ၂ ယောက်ဟာ အင်္ဂလန်က နော့သမ်ဘာလန်းအရပ်က အီဆက်ခ်ရဲ့ နေအိမ်အထိ သွားရောက်ပြီး အသင်းမှာဆက်ရှိဖို့ စည်းရုံး ဖျောင်းဖျခဲ့တာပါ။

နယူးကာဆယ်အသင်းဟာ အီဆက်ခ်ကို ဆက်ထိန်းနိုင်ဖို့အတွက် ဖြစ်နိုင်သမျှ အရာအားလုံး လုပ်ဆောင်ဖို့ ဆုံးဖြတ်ထားတယ်လို့ သိရပါတယ်။

Photo: Reuters