မြောက်ဦးတွင် စစ်တပ်က ဗုံးကြဲသဖြင့် ကလေးငယ်များအပါအဝင် ၁၂ ဦး သေဆုံး
DVB
·
August 26, 2025
ရခိုင်ပြည်နယ်၊ မြောက်ဦးမြို့၊ အောင်တပ်အုပ်စု၊ ဒိုင်းကျီရပ်ကွက်ကို ဩဂုတ် ၂၅ ရက်၊ ည ၁၁ နာရီခွဲလောက်မှာ စစ်တပ်က ဂျက်တိုက်လေယာနဲ့ ဗုံးကြဲ တိုက်ခိုက်ခဲ့တာကြောင့် ကလေးငယ်တွေ အပါအဝင် ပြည်သူ ၁၂ ယောက် သေဆုံးခဲ့ပြီး ၂၁ ယောက်ထက်မနည်း ဒဏ်ရာရရှိသွားတယ်လို့ ဒေသခံတွေဆီက သိရပါတယ်။
စစ်တပ်က ဂျက်တိုက်လေယာဉ် တစင်းနဲ့ ပေါင် ၅၀၀ ဗုံး လာရောက်ကြဲချခဲ့တာဖြစ်ပြီး ဒိုင်းကျီရပ်ကွက်ရှိ စိုက်ပျိုးရေးဂိုဒေါင်အနီးမှာ ကျရောက်ပေါက်ကွဲခဲ့တာလို့ ဆိုပါတယ်။
ဗုံးကြဲတိုက်ခိုက်ခံရမှုကြောင့် သေဆုံးသူတွေထဲမှာ အသက်မပြည့်သေးတဲ့ ကလေးငယ်တွေလည်း ပါဝင်ပြီး လူနေအိမ်တွေလည်း ပျက်စီးဆုံးရှုံးမှုရှိခဲ့တယ်လို့ မြောက်ဦးဒေသခံတယောက်က ပြောပါတယ်။
ဒါ့အပြင် ထိခိုက်ဒဏ်ရာရရှိသူတွေထဲမှာလည်း ပြင်းထန်ဒဏ်ရာရရှိသူတွေ များတဲ့အတွက် စိုးရိမ်နေရတယ်လို့ ဆိုပါတယ်။
ကေခိုင်
