ရုရှား၊ အမေရိကန်တို့နဲ့ ၃ ပွင့်ဆိုင်တွေ့ဆုံမှုကို ထောက်ခံကြောင်းနဲ့ အပြုသဘောဆောင်တဲ့ ပူးပေါင်းဆောင်ရွက်ဖို့ အသင့်ရှိကြောင်း ယူကရိန်းသမ္မတ ဇလန်းစကီးက ပြောပါတယ်။
ထရမ့်ပ်နဲ့ ပူတင်တို့ အလာစကာမှာ တွေ့ဆုံမှုအပြီး ဇလန်းစကီးက ၃ ပွင့်ဆိုင်တွေ့ဆုံမယ့်အကြံကို ထောက်ခံတဲ့အကြောင်း ဆိုရှယ်မီဒီယာမှာ ရေးသားဖော်ပြထားတာဖြစ်ပါတယ်။
ဇလန်းစကီးက “ငြိမ်းချမ်းရေးရဖို့ ကြိုးပမ်းမှုတွေအများကြီးပြုလုပ်ဖို့ ယူကရိန်းက အသင့်ရှိတယ်ဆိုတာ ထပ်ပြီး ပြောပါမယ်။ သမ္မတထရမ့်ပ်ရဲ့ ယူကရိန်း၊ အမေရိကန်၊ ရုရှား ၃ ပွင့်ဆိုင်တွေ့ဆုံမယ့် အစည်းအဝေး အဆိုပြုချက်ကို ကျနော်တို့ ထောက်ခံပါတယ်။ ၃ ပွင့်ဆိုင်တွေ့ဆုံမှုက အဓိကအချက်ဖြစ်တယ်ဆိုတာ ယူကရိန်းက အလေးထားပါတယ်”လို့ ပြောပါတယ်။
အလာစကာ အစည်းအဝေးအပြီး ထရမ့်ပ် အမေရိကန် အပြန်ခရီးစဉ် လေယာဉ်ပေါ်မှာ ဇလန်းစကီးအပါအဝင် နေတိုးအဖွဲ့ခေါင်းဆောင်တွေနဲ့ ဖုန်းပြောခဲ့ အပြီးမှာ ဇလန်းစကီးက ဆိုရှယ်မီဒီယာမှာ အခုလို ဖော်ပြခဲ့တာပါ။
ဇလန်းစကီးဟာ ထရမ့်ပ်နဲ့တွေ့ဖို့ လာမယ့် တနင်္လာနေ့မှာ အမေရိကန်နိုင်ငံကို သွားရောက်မှာ ဖြစ်ပါတယ်။
Source: Reuters
