ပါလက်စတိုင်းတွေကို ထောက်ခံကြောင်း စပိန်နိုင်ငံ ဘာစီလိုနာမြို့မှာ လူရာပေါင်းများစွာက ချီတက် ဆန္ဒဖော်ထုတ်ခဲ့ကြပါတယ်။

ဆန္ဒပြသူတွေက “ဂါဇာရေ… မင်း တယောက်တည်း မဟုတ်ဘူး” ဆိုတဲ့ သံပြိုင် အော်ဟစ်မှုတွေနဲ့ ချီတက်ခဲ့တာပါ။ သူတို့ရဲ့လက်ထဲမှာလည်း အစ္စရေးဝန်ကြီးချုပ် နေတန်ယာဟုကို ထောင်ချထားတဲ့ပုံတွေ ကိုင်ဆောင်ပြီး ဆန္ဒဖော်ထုတ်ခဲ့တာ ဖြစ်ပါတယ်။

ဂါဇာကို အစ္စရေးလွှတ်တော်က ကြီးမားတဲ့စစ်ဆင်ရေးအသစ် စတင်မယ့် ဆုံးဖြတ်ချက် ထွက်လာပြီးနောက်ပိုင်း ဩစတြေးလျ၊ ဂျာမနီ၊ အီတလီ၊ နယူးဇီလန်၊ ဗြိတိန်နိုင်ငံတို့ရှိ နိုင်ငံခြားရေးဝန်ကြီးတွေက ရှုတ်ချထားပါတယ်။

ဂါဇာမှာ လူသားချင်းစာနာထောက်ထားမှုတွေ ပိုပြီးဆိုးရွားလာသလို အစ္စရေးက တနိုင်ငံလုံး အတိုင်းအတာနဲ့ စစ်ရေးတိုးမြှင့်ဖို့ စီစဉ်နေတာဖြစ်ပါတယ်။

ဂျာမနီနိုင်ငံလည်း အစ္စရေးကို လက်နက်တင်ပို့နေမှု ထိန်းချုပ်ခဲ့တာကို ကြည့်ရင် လူထုရဲ့ ကန့်ကွက်သံတွေကြောင့်လို့ ရိုက်တာက ဖော်ပြပါတယ်။

ဒီနေ့အစောပိုင်းမှာလည်း လန်ဒန်မှာ ပါလက်စတိုင်းအရေး လှုပ်ရှားမှုကို ပိတ်ပင်ဖို့ ဆုံးဖြတ်တဲ့ ဗြိတိန်ရဲ့ ဆုံးဖြတ်ချက်ကို ကန့်ကွက်တဲ့ လူ ၁၅၀ ကျော် ဖမ်းဆီးခံခဲ့ရပါတယ်။

အစ္စရေးက စစ်ရေးအရှိန်တိုးမယ်လို့ ထုတ်ပြန်ခဲ့အပြီး အစ္စရေးမှာလည်း ဆန္ဒပြချီတက်မှုတွေ ပေါ်ပေါက်ခဲ့ပါတယ်။

တဲအဗစ်မြို့ရှိ ဟော့စတိတ်စကွဲကနေ စစ်ဌာနချုပ်အထိ ချီတက်ခဲ့ကြပြီး ဓားစာခံတွေကို ပြန်လည်ခေါ်ယူဖို့ တောင်းဆိုခဲ့ကြပါတယ်။

အစ္စရေးက စစ်ရေးအရှိန်မြှင့်ပါက ဓားစာခံတွေကို အန္တရာယ်ပြုနိုင်တဲ့အကြောင်း မိသားစုဝင်တွေက နေတန်ယာဟုကို သောကြာနေ့က ကြေညာချက်တခု ပေးပို့ခဲ့ပါတယ်။

လက်ရှိ ဂါဇာမှာ ဓားစာခံ ၅၀ ဆက်ရှိနေပြီး အသက်ရှင်ကျန်ရစ်သူ ၂၀ လောက်ရှိမယ်လို့ အစ္စရေးက ယုံကြည်ထားပါတယ်။

Source: Reuters