နျူကလီးယားဆိုင်ရာ လေလုံးထွားမှုမလုပ်ရန် ထရမ့်ပ်ကို ရုရှား ပြော
DVB
·
August 5, 2025
အမေရိကန်သမ္မတ ဒေါ်နယ်ထရမ့်ပ်ရဲ့ ရေငုပ်သင်္ဘောဆိုင်ရာ ကြေညာချက်ကို ပထမဆုံး တုံ့ပြန်တဲ့အနေနဲ့ လူတိုင်းဟာ နျူကလီးယား အသုံးအနှုန်းတွေနဲ့ ပတ်သက်ပြီး သတိထားသင့်တယ်လို့ ရုရှားသမ္မတနန်းတော် ကရင်မလင်က သြဂုတ် ၄ ရက်မှာ ပြောပါတယ်။
ကရင်မလင်ရဲ့ ပြောရေးဆိုခွင့်ရှိသူ ဒမစ်ထရီ ပဲ့စ်ကို့ဗ်က ထရမ့်ပ်ရဲ့ မှတ်ချက်တွေကို သိသိသာသာ ပယ်ချခဲ့ပြီး အမေရိကန် ရေငုပ်သင်္ဘောတွေဟာ ဘာပဲဖြစ်ဖြစ် တိုက်ခိုက်ရေးတာဝန် ထမ်းဆောင်နေပြီဆိုတာ ရှင်းပါတယ်လို့ ပြောပါတယ်။
ရုရှားအစိုးရက ဒီကိစ္စနဲ့ပတ်သက်ပြီး ထရမ့်ပ်နဲ့ သဘောထားကွဲလွဲဖို့ ဆန္ဒမရှိဘူးလို့လည်း သူက ပြောပါတယ်။
ရုရှားသမ္မတဟောင်း ဒီမီထရီ မက်ဗီဒက်ရဲ့ ပြောကြားချက်ကို တုံ့ပြန်တဲ့အနေနဲ့ နျူကလီးယား ရေငုပ်သင်္ဘော ၂ စင်းကို သင့်လျော်တဲ့ဒေသတွေမှာ နေရာချထားဖို့ အမိန့်ပေးခဲ့တယ်လို့ ထရမ့်ပ်က သောကြာနေ့မှာ ပြောခဲ့ပါတယ်။
Source: Reuters
