ပီရူး ဘတ်စ်ကား တိမ်းမှောက်မှု လူ ၁၈ ဦး သေဆုံး၊ ၂၄ ဦး ဒဏ်ရာရ
DVB
·
July 27, 2025
ပီရူးနိုင်ငံအလယ်ပိုင်း၊ အန်ဒီးစ်တောင်တန်းဒေသမှာ ဇူလိုင် ၂၅ ရက်က ခရီးသည် ၆၆ ယောက်ကို တင်ဆောင်လာတဲ့ ဘတ်စ်ကားတစီး တိမ်းမှောက်ခဲ့တာကြောင့် လူ ၁၈ ယောက် သေဆုံးသွားပြီး တခြားသူ ၂၄ ယောက် ထိခိုက်ဒဏ်ရာ ရရှိခဲ့ကြောင်း ယူးနင်န် ဒေသဆိုင်ရာ ကျန်းမာရေး ညွှန်ကြားမှုဦးစီးဌာနက သိရပါတယ်။
အခင်းဖြစ်ပွားရာမှာ သေဆုံးသူ ၁၆ ယောက်နဲ့ ဆေးရုံမှာ ၂ ယောက် သေဆုံးသွားတာ ဖြစ်တယ်လို့ ယူးနင်န် ဒေသန္တရ ကျန်းမာရေးညွှန်ကြားရေးမှူး ကလစ်ဖို့ဒ် ကူရီပါကိုလိုပက်ဇ် က ပြောပါတယ်။
ရဲတပ်ဖွဲ့၊ မီးသတ်သမားတွေနဲ့ ဒေသခံတွေဟာ ကယ်ဆယ်ရေးလုပ်ငန်းတွေကို ပါဝင်ဆောင်ရွက်ခဲ့ကြပြီး ဘတ်စ်ကားရဲ့ အပျက်အစီးတွေထဲမှာ ရှာဖွေနေကြပါတယ်။ မော်တော်ယာဉ် မတိုက်ခင်မှာ စက်ပိုင်းဆိုင်ရာ ပြဿနာတွေ ရှိခဲ့တယ်လို့ အသက်ရှင်ကျန်ရစ်သူတွေက ပြောပါတယ်။
Source: Reuters
