တော့တင်ဟမ်ဟော့စပါးအသင်းဟာ နှစ်ပေါင်း ၄၁ နှစ်အတွင်း ပထမဆုံးအကြိမ် ဥရောပဖလားရရှိဖို့ မျှော်လင့်ချက် ရှိလာခဲ့ပါတယ်။
နော်ဝေကလပ် ဘိုဒိုဂလစ်နဲ့ ယူရိုပါလိဂ် ဆီမီးဖိုင်နယ်မှာ ၃ ဂိုး ၁ ဂိုးနဲ့ အနိုင်ရခဲ့တဲ့ စပါးအသင်းဟာ ဒုတိယအကျော့ ကျန်သေးပေမဲ့ ဗိုလ်လုပွဲတက်ဖို့ အခွင့်အလမ်း ကောင်းသွားခဲ့တာပါ။
စပါးအသင်းအနေနဲ့ အဝေးကွင်းမှာ မြက်ခင်းတုကွင်းအတွင်း ကစားခဲ့ရပေမဲ့ အနိုင်ရလဒ် ရရှိခဲ့တဲ့ အတွက် ဝမ်းမြောက်မိပြီး ယူရိုပါလိဂ်မှာ အခြေအနေဆိုးတွေကို ရင်ဆိုင်ပြီး ကျော်ဖြတ်နိုင်ခဲ့တာ ဖြစ်ကြောင်း နည်းပြ ပိုစ်တီကိုဂလူက ပြောပါတယ်။
သူဟာ ပရီးမီးယားလိဂ်က ရလဒ်ဆိုးတွေကြောင့် ထုတ်ပယ်ခံရဖို့ နီးစပ်နေသူဖြစ်ပြီး ယူရိုပါလိဂ် ဖလားသာ ရယူနိုင်မယ်ဆိုရင် အသင်းမှာ ဆက်ရှိသွားဖို့ ရှိပါတယ်။
စပါးအသင်းဟာ ယူရိုပါလိဂ် ဗိုလ်လုပွဲမှာ ပြည်တွင်းပြိုင်ဘက် မန်ယူအသင်းနဲ့ ရင်ဆိုင်ရဖို့ရှိနေပြီး ၁၉၈၃-၈၄ ရာသီမှာ ယူရိုပါလိဂ်ဖလား ရရှိခဲ့ပြီးနောက်ပိုင်း ပထမဆုံးအကြိမ် ဥရောပဖလား ရယူနိုင်ဖို့ မျှော်လင့်ချက်ရှိလာခဲ့တာ ဖြစ်ပါတယ်။
