ဧရာဝတီတိုင်းက CDM တွေနဲ့ PDF တွေအကြောင်း ရိုက်ကူးထားတဲ့ " FIGHT DELTA FIGHT" ရုပ်ရှင်ကားပြသပွဲကို နွေဦးတော်လှန်ရေးရန်ပုံငွေရှာတဲ့အနေနဲ့ ထိုင်း-မြန်မာနယ်စပ် မဲဆောက်မြို့မှာ ဧပြီ ၂၀ ရက် မနက်က ကျင်းပပါတယ်။
FIGHT DELTA FIGHT ရုပ်ရှင်ကားဟာ တော်လှန်ရေးရဲဘော်/ရဲမေတွေ၊ အကြမ်းမဖက်အာဏာဖီဆန်ခဲ့ကြတဲ့ CDM ဝန်ထမ်းတွေ၊ ၈၈ မျိုးဆက် နိုင်ငံရေးသမားတွေ၊ နိုင်ငံရေးတက်ကြွလှုပ်ရှားသူ လူငယ်တွေနဲ့ ပြည်သူတွေ ပူးပေါင်းပါဝင်ရိုက်ကူးထားတဲ့ ဖြစ်ရပ်မှန်ကို အခြေခံထားတဲ့ တော်လှန်ရေးရုပ်ရှင်ကားကြီး ဖြစ်ပါတယ်။
၂၀၂၁ ခုနှစ်၊ ဖေဖော်ဝါရီ ၁ ရက် စစ်တပ်က တိုင်းပြည်အာဏာမတရားသိမ်းယူပြီးချိန်ကနေ ယနေ့အချိန်ထိ တိုင်းပြည်နဲ့ လူမျိုးအတွက် အသက်နဲ့ ခန္ဓာကိုယ်ကိုစွန့်ကာ ပေးဆပ်တိုက် ပွဲဝင်နေကြတဲ့ တော်လှန်ရေးရဲဘော်၊ ရဲမေတွေရဲ့ ခက်ခဲကြမ်းတမ်းပေမဲ့ ယုံကြည်ချက်အပြည့်နဲ့ ရှေ့ဆက်လှမ်းနေကြပုံတွေကို ပုံဖော် ရိုက်ကူးထားတဲ့ ရုပ်ရှင်ကားလည်း ဖြစ်ပါတယ်။
