ဘန်ကောက်မှာ ကျင်းပမယ့် တောင်အာရှခေါင်းဆောင် အများစုပါဝင်မယ့် BIMSTEC  ဒေသတွင်း ထိပ်သီးအစည်းအဝေးကို တက်ရောက်ဖို့ အာဏာသိမ်းစစ်ခေါင်းဆောင် ဘန်ကောက်ကို ရောက်ချိန်မှာပဲ  ထိုင်း-မြန်မာ နှစ်နိုင်ငံအရပ်ဘက်အဖွဲ့အစည်းတွေက စစ်ခေါင်းဆောင်ရဲ့ ခရီးစဉ်ကိုကန့်ကွက်ရူတ်ချတဲ့ သတင်းစာရှင်းလင်းပွဲတခုကို ပြုလုပ်နေပါတယ်။ 

စစ်ခေါင်းဆောင်ဟာ ဒီကနေ့ ဧပြီ ၃ ရက်နေ့ ညနေပိုင်းမှာပဲ ဘန်ကောက်ကိုရောက်ရှိခဲ့တာဖြစ်ပြီး ထိုင်းနဲ့မြန်မာ နှစ်နိုင်ငံက အရပ်ဘက်အဖွဲ့အစည်းတွေက ဒီကနေ့ ညပိုင်းဘန်ကောက်မှာ စစ်ခေါင်းဆောင် မင်းအောင်လှိုင်ကို BIMSTEC အစည်းအဝေးတက်ရောက်ဖို့ ဖိတ်ကြားတာကို  ရှုတ်ချကြောင်း သတင်းစာရှင်းလင်းပွဲတရပ်ကို ပြုလုပ်နေပါတယ်။ 

ဒီခရီးစဉ်ဟာ ၂၀၂၁ ခုနှစ် အာဏာသိမ်းပြီးနောက်ပိုင်း အရှေ့တောင်အာရှနိုင်ငံကို ပြည်တွင်းစစ် ဖြစ်စေခဲ့တဲ့ ဗိုလ်ချုပ်မှူးကြီး မင်းအောင်လှိုင်ရဲ့ ရှားရှားပါးပါးခရီးစဉ် ဖြစ်ပါတယ်။ 

ထိုင်းနိုင်ငံ ဘန်ကောက်မြို့မှာ ဧပြီ ၃ ရက်နဲ့ ၄ ရက်နေ့မှာ ကျင်းပမယ့် BIMSTEC ထိပ်သီး အစည်းအဝေးကို တက်ရောက်ခွင့်ပြုလိုက်တဲ့ ထိုင်းနဲ့ BIMSTEC အဖွဲ့တို့ရဲ့ ဆုံးဖြတ်ချက်ကို ပြင်းပြင်းထန်ထန် ရှုတ်ချကြောင်း လူ့အခွင့်အရေး တက်ကြွလှုပ်ရှားတဲ့ အဖွဲ့အစည်းအသီးသီးကလည်း အပြင်းအထန်ကန့်ကွက်နေပါတယ်။

ဓာတ်ပုံ - ရိုက်တာ