တောင်ကိုရီးယားသမိုင်းမှာ အဆိုးရွားဆုံး တောမီးကြောင့် သေဆုံးသူဦးရေ အယောက် ၃၀ အထိ တိုးမြင့်လာခဲ့ပြီး အယောက် ၄၀ ထက်မနည်း ဒဏ်ရာရခဲ့တယ်လို့ နိုင်ငံရဲ့ ဗဟိုဘေးအန္တရာယ်နဲ့ ဘေးကင်းရေးတုံ့ပြန်မှု ဌာနချုပ်က ပြောပါတယ်။
မတ် ၂၁ ရက်ကတည်းက နိုင်ငံတဝန်း မြေဧရိယာ ဟက်တာ ၄၈,၀၀၀ ကို လွှမ်းခြုံထားတဲ့ တောမီးကြောင့် အဆောက်အအုံ ၃,၀၀၀ နီးပါး ပျက်စီးခဲ့ပါတယ်။ မီးလောင်မှုကြောင့် လူပေါင်း ၆,၈၀၀ ကျော် အိုးအိမ်စွန့်ခွာ ထွက်ပြေးခဲ့ရပါတယ်။
တရုတ်မီဒီယာ (CGTN) က နောက်ဆုံးထုတ်လွှင့်ထားတဲ့ ဗီဒီယိုဖိုင်မှာ တောင်ကိုရီးယား မြောက်ဘက် ဂျောင်ဆန်းပြည်နယ်မှာ ပြိုကျပျက်စီးနေတဲ့ အိမ်တွေနဲ့ အပျက်အစီးတွေ မြေပြင်ပေါ်မှာ ပြန့်ကျဲနေတာ တွေ့ရပါတယ်။
ဂျောင်ဆန်းပြည်နယ်၊ စန်းချောင်မြို့နယ်မှာ တနင်္ဂနွေနေ့ မွန်းလွဲ ၁ နာရီမှာ အဓိကမီးလောင်ကျွမ်းမှုကို ငြှိမ်းသတ်နိုင်ခဲ့တယ်လို့ နိုင်ငံရဲ့ သစ်တောဝန်ဆောင်မှု အာဏာပိုင်တွေက ပြောခဲ့ပါတယ်။
Source : Reuters
