ငလျင်ကြောင့် ၁၁၅ မိုင်စခန်းက စားသောက်ဆိုင်နှင့် ဓာတ်ဆီဆိုင်ယာယီပိတ်
DVB
·
March 29, 2025
ရန်ကုန်-မန္တလေးအမြန်လမ်း ဖြူးမြို့နယ်၊ ၁၁၅ မိုင် ယာဉ်ရပ်နားစခန်းက စားသောက်ဆိုင်တွေနဲ့ ဓာတ်ဆီဆိုင်ဟာ ငလျင်ဒဏ်ကြောင့် လမ်းနဲ့ အဆောက်အအုံ ထိခိုက်မှုတွေ ရှိခဲ့တာကြောင့် မတ် ၂၈ ရက် နေ့လယ်ကစလို့ ယာယီပိတ်ထားရပါတယ်။
ယာဉ်မောင်းတွေဟာ ၁၁၅ မိုင်မှာ ဆီဖြည့်လို့ မရတော့တာကြောင့် အမြန်လမ်းဟောင်းမှာသာ ဆီဖြည့် ခရီးဆက်နိုင်ပြီး မိုင်တိုင် ၉၄ မိုင် ၇ ဖာလုံက ချောင်းကူးတံတား၊ ၉၅ မိုင် ၇ ဖာလုံတို့က ချောင်းကူးတံတားနဲ့ လမ်မနေရာမှာ လမ်းမြေကျွံမှုတွေ ဖြစ်ပေါ်နေတာကြောင့် သတိထား မောင်းနှင်ဖို့ကို ကယ်ဆယ်ရေးအဖွဲ့တွေက အကြံပြုထားပါတယ်။
အမြန်လမ်းအသုံးပြုသူတွေအနေနဲ့ အမြန်လမ်းကို ၁၃၈ မိုင်အထိပဲ သုံးလို့ ရပြီး နေပြည်တော်နဲ့ မန္တလေးအထိ သွားလာနိုင်ဖို့ အုတ်တွင်း တောင်ငူလမ်းကနေ အမြန်လမ်းဟောင်းကို အသုံးပြုနေကြရပါတယ်။
Photo: Ethan Htun
