ဩစတြေးလျရဲ့ စွမ်းဆောင်ရည်နဲ့ ဖွံ့ဖြိုးတိုးတက်မှုကို အရှိန်မြှင့်ဖို့ မတ် ၂၅ ရက်မှာ ချမှတ်မယ့် ဖက်ဒရယ်ဘတ်ဂျက်မှာ ကာကွယ်ရေးအသုံးစရိတ်အတွက် ဩစတြေးလျဒေါ်လာ ၁ ဘီလီယံ (ကန်ဒေါ်လာ ၆၂၈ ဒသမ ၃ သန်း) ကို ချပေးဖို့ လမ်းဖွင့်ပေးထားတယ်လို့ ကာကွယ်ရေးဝန်ကြီး ရစ်ချတ် မားလက်စ်က မတ် ၂၄ ရက်မှာ ပြောပါတယ်။

ကာကွယ်ရေး အသုံးစရိတ်ထဲမှာ ပဲ့ထိန်းလက်နက်တွေ ထုတ်လုပ်ခြင်း၊ AUKUS ရေငုပ်သင်္ဘော အခြေစိုက်စခန်းနဲ့ ဖရီးဂိတ် ဖျက်သင်္ဘောအစီအစဉ်တို့ ပါမယ်လို့ အဗာလွန် လေကြောင်း ပြပွဲမှာ ဝန်ကြီးက ပြောပါတယ်။

ဒီရန်ပုံငွေတွေဟာ လာမယ့် ၄ နှစ်အတွင်း သုံးမယ့် ကာကွယ်ရေး အသုံးစရိတ် ဩစတြေးလျဒေါ်လာ ၁၀ ဒသမ ၆ ဘီလီယံ (ကန်ဒေါ်လာ ၆ ဒသမ ၆၆ ဘီလီယံ) ရဲ့ တစိတ်တပိုင်း ဖြစ်ပါတယ်။

၁၀ စုနှစ် တခုအတွင်း အရင်က ကြေညာခဲ့တဲ့ ဩစတြေးလျဒေါ်လာ ၅၀ ဘီလီယံ (ကန်ဒေါ်လာ ၃၁ ဒသမ ၄ ဘီလီယံ) ရဲ့ တစိတ်တပိုင်းလည်းဖြစ်ပြီး ဒါဟာ ဒုတိယကမ္ဘာစစ်ပြီးကတည်းက ကာကွယ်ရေးအသုံးစရိတ် အထူးခြားဆုံး တိုးလာခဲ့တာလို့ မားလက်စ်က ပြောပါတယ်။

Source: Reuters