ရန်ကုန် လျှပ်စစ်မီး ၄ နာရီပေးပြီး ၈ နာရီ ပြန်ဖြတ်မည်
DVB
·
March 24, 2025
ရန်ကုန်မှာ မတ် ၂၄ ရက် ဒီနေ့ကစလို့ လျှပ်စစ်မီး ၄ နာရီပေးပြီး ၈ နာရီပြန်ဖြတ်မယ်လို့ မြို့နယ်လျှပ်စစ်ရုံးတွေက ကြေညာပါတယ်။
လက်ရှိမှာတော့ အရှေ့ပိုင်းခရိုင်မှာ ပါဝင်တဲ့ တာမွေ၊ ဗိုလ်တထောင်၊ သင်္ဃန်းကျွန်း၊ ရန်ကင်း၊ ရွှေပေါက်ကံနဲ့ အရှေ့ဒဂုံမြို့နယ် လျှပ်စစ်ရုံးတွေက ထုတ်ပြန်ထားကြတာဖြစ်ပြီး ခရိုင်အားလုံးမှာ ဖြတ်တောက်မလား ဆိုတာကတော့ မသိရသေးပါဘူး။
အုပ်စု ၃ ခုခွဲပြီး မီးပေးမှာဖြစ်တာကြောင့် မနက် ၉ နာရီကနေ နေ့လယ် ၁ နာရီအထိ တအုပ်စုကို ပေးနေချိန်မှာ ကျန်အုပ်စု ၂ ခုကို မီးဖြတ်ထားမှာဖြစ်ပြီး အုပ်စုတခုစီဟာ ၄ နာရီ မီးရပြီးရင် ၈ နာရီ ဖြတ်ခံရမှာဖြစ်ပါတယ်။
ဒါဟာ တနာရီမှာ ၂,၀၀၀ မဂ္ဂါဝပ် ထုတ်လုပ်နိုင်တာဖြစ်ပြီး တနိုင်ငံလုံး လိုအပ်ချက်က ၄,၀၀၀ မဂ္ဂါဝပ်ဖြစ်လို့ လိုအပ်ချက်ရဲ့ တဝက်ကိုပဲ ထုတ်လုပ်နိုင်တာဖြစ်ပါတယ်။
